Qazaqstanda volfram kenderin ıgerý boıynsha óndiris jyl sońyna deıin iske qosylady
ASTANA. KAZINFORM – Premer-Mınıstrdiń birinshi orynbasary Roman Sklıar Jiaxin International Resources Investment (QHR) kompanııasynyń basshylyǵymen kezdesti. Kezdesý ındýstrııalyq yntymaqtastyq salasyndaǵy Qazaqstan-Qytaı jobalarynyń tizbesinen birlesken ınvestıtsııalyq jobalardy iske asyrý monıtorıngi sheńberinde ótti.
Kompanııa Almaty oblysynda volfram ken oryndaryn ónerkásiptik ıgerý boıynsha jobany iske asyrýda ($350 mln ınvestıtsııa, 1 000 jumys orny).
Jiaxin International Resources Investment Dırektorlar keńesiniń tóraǵasy Lıý Lıtsıan jobany iske asyrý barysynda atqarýshy memlekettik organdardyń belsendi túrde kómektesip jatqanyn atap ótti. Paıdalanýǵa berý osy jyldyń sońyna josparlanǵan.
Kezdesý qorytyndysy boıynsha taraptar ınvestıtsııalyq yntymaqtastyqty odan ári nyǵaıtýǵa senim bildirdi.
