Qazaqstanda vırýstyq gepatıtke shaldyqqandar sany 60 esege azaıdy
«Vırýsty gepatıt - QR Qoǵamdyq densaýlyq saqtaý salasynyń ózekti máseleleriniń biri. Qazaqstanda V vırýstyq gepatıtine qarsy josparly ımmýndaýdyń arqasynda sońǵy 20 jylda jiti V vırýstyq gepatıtine shaldyqqandardyń sany 59,8 esege tómendegeni baıqalady», - dedi QR DSM Qoǵamdyq densaýlyq saqtaý saıasaty departamentiniń dırektory Aıjan Esmaǵambetova Almatyda ótken vırýstyq gepatıtti elımınatsııalaý boıynsha Óńirlik keńeste.
Sonymen qatar, departament dırektory aıtyp ótkendeı, vırýstyq gepatıttiń sozylmaly túrleriniń ósýi alańdaýshylyq týdyrdy. Qazaqstanda jyl saıyn alǵash ret anyqtalǵan sozylmaly vırýstyq gepatıtterdiń 6 myńnan astam jaǵdaıy tirkeledi. Onyń ishinde sozylmaly vırýstyq V gepatıtiniń úlesine 48%, sozylmaly vırýstyq S gepatıti 52% quraıdy. Bul rette vırýsty gepatıtterdiń sozylmaly túrlerimen shamamen 87 paıyzy 30-dan 60 jasqa deıingi adamdar shaldyǵady.
Qazaqstanda aýrý deńgeıin tómendetý úshin 2017-2020 jyldarǵa arnalǵan Jol kartasy iske asyrylýda, oǵan sáıkes parenteraldy vırýstyq gepatıtterdiń aldyn alý, dıagnostıkalaý, emdeý boıynsha sharalar qabyldanady. Vırýstyq gepatıtterdi zerthanalyq dıagnostıkalaýǵa erekshe kóńil bólinedi: ulttyq deńgeıde parenteraldy vırýstyq gepatıtter boıynsha Referens-zerthana anyqtaldy, vırýstyq gepatıtter boıynsha sapany syrttaı baǵalaýdyń biryńǵaı ulttyq baǵdarlamasy quryldy.
A. Esmaǵambetova atap ótkendeı, Qazaqstanda V jáne S vırýstyq gepatıtterin anyqtaý úshin aldyn ala tekserý kóptegen jyldar boıy halyqtyń dekrettelgen toptary arasynda júrgiziledi. Sondaı-aq, 2011 jyldan bastap elimizdiń barlyq óńirlerinde gepatokabınetter men gepatoortalyqtar qurylyp, jumys isteýde. Vırýsty gepatıttermen aýyratyn naýqastardyń vırýsqa qarsy preparattarǵa qol jetkizýi qamtamasyz etilgen. 2011 jyldan bastap S gepatıti bar 7 myńnan astam naýqas ınterferon rejıminde vırýsqa qarsy em aldy. 2016 jyldan bastap TMKKK sheńberinde patsıentter tıimdiligi 95-100% vırýsqa qarsy preparattarmen em qabyldaı bastady. Búginde 14 myńǵa jýyq adam vırýsqa qarsy tegin terapııamen qamtamasyz etildi.
A. Esmaǵambetova óz baıandamasynda vırýstyq gepatıt AITV nemese týberkýlez sııaqty halyqaralyq aýqymda qaýipti ekenin aıtty. Ólim deńgeıi boıynsha gepatıt týberkýlezden keıin 2 orynda tur, al juqtyrǵandar sany AITV shaldyqqandardan 9 ese kóp.
Onyń aıtýynsha, álemde 325 mln adam V jáne S gepatıtin juqtyrǵan, jyl saıyn 1,4 mln adam osy dertten kóz jumady. bolady. Sonymen qatar, qazirgi zamanǵy medıtsınanyń V gepatıtiniń aldyn alyp emdeýge, al S gepatıtin - tolyq emdeýge múmkindigi bar.