Qazaqstanda Vimeo saıtyna salynǵan tyıym alynyp tastaldy
ASTANA. QazAqparat - Qazaqstanda tegin vıdeohostıng júkteıtin vimeo.com saıty qaıtadan qoljetimdi boldy. Bul týraly Baılanys, aqparattandyrý jáne aqparat komıtetiniń baspasóz qyzmeti xabarlady.
"Vimeo.com ınternet-resýrsynyń ákimshiligi Qazaqstan Respýblıkasynyń zańdaryna qaıshy materıaldardy alyp tastaǵandaryn xabarlady. Baılanys, aqparattandyrý jáne aqparat komıteti basshysynyń orynbasary Dmıtrıı Golobýrdanyń sózine qaraǵanda, 14 qazan kúni vimeo.com ınternet-resýrsy Qazaqstan Respýblıkasynyń azamattary úshin qoljetimdi boldy", - delingen xabarlamada.
Eske sala keteıik, tanymal saıtqa radıkaldy aǵymdaǵy beınerolıkter enip ketken bolatyn. Soǵan baılanysty atalǵan resýrsqa ruqsat Astanadaǵy Esil aýdany sotynyń 2015 jylǵy 7 qyrkúıegindegi №2-3640-15 sheshimi boıynsha toqtatylǵan bolatyn.
