Qazaqstanda veterınarlyq baqylaýdyń biryńǵaı júıesi qurylady

ASTANA. QazAqparat - Qazaqstanda veterınarlyq baqylaý men qadaǵalaýdyń biryńǵaı júıesi qurylýy múmkin. Bul týraly Parlament Senatynda ótken dóńgelek ústel otyrysynda Aýyl sharýashylyǵy mınıstrligi Veterınarlyq baqylaý jáne qadaǵalaý komıtetiniń tóraǵasy Arman Óteǵulov málim etti, dep habarlaıdy QazAqparat tilshisi.

«Qazaqstandaǵy veterınarlyq qyzmetti kúsheıtý boıynsha jumystar júrgizilýde. Veterınarlyq qyzmet tıimdiligin baǵalaý qorytyndysy aıasynda Halyqaralyq epızootııa bıýrosynyń (HEB) usynysy negizinde 2019-2021 jyldarǵa óńirlermen birlese Komıtet is-qımyl josparyn ázirledi. Sonymen qatar, agroónerkásiptik zań jobalary aıasynda birqatar ózgerister qarastyrylyp otyr», - dedi A. Óteǵulov.

Osy oraıdaǵy usynystar veterınarlyq baqylaý men qadaǵalaýdyń biryńǵaı júıesin qurýǵa qatysty bolyp otyr. ıAǵnı, jergilikti atqarýshy organdar men Memlekettik kirister komıtetinen saladaǵy qyzmetterdi keri qaıtarý eskerilgen. Budan bólek, jergilikti atqarýshy organdardyń vertıkaldy veterınarlyq qyzmetin qurý; janýarlar men ónimdi tasymaldaýdy baqylaý úshin mobıldik beketterdi qurý qarastyrylyp otyr.

Munymen qosa ol brýtsellezben kúres strategııasy qaıta qaralyp jatqanyn jetkizdi. Osy oraıda 12 aıdan asqan janýarlardyń barlyǵy zertteýmen qamtylady.