Qazaqstanda veterınar qyzmetiniń quny qansha
ASTANA. KAZINFORM – Elimizdegi jeke klınıkalarda veterınar qyzmetiniń quny ártúrli. Kazinform agenttiginiń tilshisi baǵany salystyrdy.
Eger úıde qandaı da bir janýar asyrap otyrsańyz, erte me, kesh pe veterınar qyzmetine júginýge týra keledi. It pen mysyq baqqan kezde tek tamaǵyn berip, dalada serýendetý jetkiliksiz. Úı janýaryn veterınarǵa qaratyp, tekserý, qajet kezde vaktsınasyn qabyldaý kerek.
Medıtsınalyq qyzmetke túrli aýrýdan emdeý, kestirý, sterılızatsııalaý kiredi. Mal dárigerleriniń aıtýynsha, kestirý men sterılızatsııalaý janýardyń kóbeıýin boldyrmaıdy, sonymen birge olardyń jaǵdaıyn qalypty ustap turýǵa kómektesedi. Ota jasalǵannan keıin gormondyq buzylystar azaıady, qaterli isiktiń aldyn alýǵa bolady. Sonymen birge ıt pen mysyq adamǵa shappaıdy, qaýip azaıady.
Elimizde «Janýarlarǵa jaýapkershilikpen qaraý týraly» Zańy bar. Munda ıt pen mysyq asyraıtyndardyń jaýapkershiligi de qarastyrylǵan. Bul negizsiz kóbeıýdiń aldyn alýǵa kómektesedi. Mamandardyń aıtýynsha, úı janýarlaryn kestirý kóp máseleniń sheshimi bolyp tur.
Biz veterınardyń qabyldaýyna barý, kestirý jáne sterılızatsııalaý qyzmetteriniń qunyn salystyrdyq. Baǵa úı janýarynyń túrine, jasyna, salmaǵyna, sonymen birge qajetti dári-dármek sapasy men jeke veterınarııa emhanasynyń deńgeıine qaraı ózgerip otyrady.
Ota jasamas buryn mamandar janýardy qarap, tekserip alady. Birden birneshe qan synamasyn alyp, júregine ÝDZ jasaıdy.
Sonymen Qazaqstan qalalarynda veterınar qyzmetine alǵash ret júgingende 1 500 – 5 500 teńge qajet. Qarapaıym ǵana veterınarııa kabıneti nemese zamanaýı veterınarııa emhanasy? Tańdaýǵa qaraı baǵasy da ózgerip otyrady. Eń arzanyn Almaty qalasynan tabýǵa bolady. Mal dárigeriniń qabyldaýy 1 500 teńgeden bastalady.
Taldyqorǵan, Semeı, Taraz, Kókshetaý, Qyzylorda, Shymkent qalalarynda mal dárigeriniń alǵashqy qabyldaýy 2 myń teńgeden bastalady. Al Túrkistan, Pavlodar, Astana, Qostanaı men Oral qalalarynda baǵa 3 myń teńgeden bastalyp tur.
Petropavl men Aqtóbe qalalarynda baǵa ortashadan sál joǵary bolyp tur. It pen mysyqty qaratý baǵasy 3 500 teńge. Óskemende – 4 000 teńge. Al Qaraǵandy men Jezqazǵanda tórt aıaqty dosyńyzdy qarap, dıagnoz qoıý úshin mal dárigeri 5 500 teńge suraıdy.
It pen mysyqty kestirý baǵasy Taraz qalasynda arzan. Qyzmet quny 4 000 teńgeden bastalady. Al Qyzylorda men Petropavlda baǵa 5 000 teńgeden bastalyp tur. Úı janýaryn kestirgennen keıin birneshe dári-dármek, sonymen birge moıynǵa arnaıy qorǵanysh quralyn satyp alý kerek. Qyzmet quny tómen keıbir emhanalarda munyń bárine qosymsha aqy tóleýge týra keledi.
Shymkentte mysyqty kestirý quny 6 000 teńge, Semeı, Óskemen, Aqtóbe men Astanada 7 000 teńge, al Pavlodarda 7 500 teńge. Oral men Kókshetaýda qyzmet quny 8 myń teńgeden bastalady. Al úlken emhanalardaǵy baǵa 12 000 – 13 500 teńge bolyp tur. Qaraǵandy men Jezqazǵanda mysyqqa arnalǵan bul otanyń quny 11 500 teńge bolsa, Almaty men Qostanaıda 12 000 teńge. Eń qymbat qyzmet quny Túrkistan qalasynda. Kestirý qyzmetiniń quny – 15 000 teńge.
Mysyqty sterılızatsııalaý qyzmetiniń quny ózgelerge qaraǵanda qymbat. Sebebi ota jasaý qıynǵa túsedi. Taraz ben Shymkent qalalarynda baǵa 6 000 – 7 000 teńgeden bastalsa, keıbir emhanada 15 000 teńgege jetken. Petropavlda baǵa 9 000 teńge bolsa, Semeı men Qyzylordada 10 000 teńge. Astana men Óskemen qalalarynda ortasha baǵa 11 500 teńge bolsa, Kókshetaýda qyzmet quny 12 000 teńgeden bastalady. Pavlodar, Túrkistan, Oral turǵyndary mal dárigerine 15 000 teńge beredi. Almaty men Aqtóbe qalalarynda mysyqty sterılızatsııalaý qyzmetiniń quny 17 500 teńge bolsa, Qaraǵandy men Jezqazǵanda 19 000 teńge, Qostanaıda 20 000 teńge.
Elimizde mysyq pen marǵaýdy kestirý jáne sterılızatsııalaý qyzmeti belgili bolsa, ıtke arnalǵan qyzmet túri onyń salmaǵyna baılanysty ózgerip otyrady. Salmaǵy aýyr bolsa, uıyqtatatyn dári de soǵurlym kóp qajet bolady. Elimiz boıynsha Semeı qalasynda ıtti kestirý baǵasy 7 000 teńge, Taraz ben Qostanaıda 8 000 teńge jáne odan joǵary. Pavlodar, Petropavl, Shymkent qalalarynda qyzmet quny 10 000 teńge, Oral, Qyzylorda, Almaty qalalarynda 12 000 teńge. Túrkistan, Óskemen jáne Astana qalalarynda – 15 000 teńge. Qyzmettiń eń qymbaty Kókshetaý qalasynda. Munda 20 000 teńgeden bastalady.
Al ıtti sterılızatsııalaý baǵasy tómen. Keıbir aımaqta 10-12 myń teńgege (Shymkent pen Semeı) eseptep beredi. Biraq kóbinde baǵa 20 myń teńge jáne odan joǵary.
Túrkistan, Petropavl men Pavlodarda baǵa 15 000 teńge jáne odan joǵary. Al Astanada 17 000 teńgeden bastalady. Qostanaı, Óskemen, Qyzylorda men Oralda ıtti sterılızatsııalaý qyzmetiniń quny 20 – 25 myń teńge jáne odan joǵary.
Mal dárigerleri vaktsına saldyryp, álsin áli teksertip, keńes alýdy usynady. Qazaqstanda jalpy qan taldamasy orta eseppen 3 000 – 8 000 teńge, al bıohımııa 3 000 – 20 500 teńge.
ÝZD qyzmetiniń quny 4 000 – 10 000 teńge bolsa, rentgen 3 000 – 12 000 teńge. Keıbir emhanalar jyl saıyn chek-aptan ótkizýge keńes beredi. Oǵan klınıkalyq jáne bıohımııalyq qan taldamasy, rentgen jáne ÝZD túsirý kiredi. Qyzmet quny – 24 000 teńge.
Aıta keteıik, buǵan deıin kózdi teksertip, kózildirikke tapsyrys berý qyzmeti týraly jazyldy.