Qazaqstanda vermımádenıetti damytýdy usynýda - ADB
ASTANA. QazAqparat - Vermımádenıet tek jasyl ekonomıkaǵa ótý jolyndaǵy mańyzdy qadam ǵana emes, sonymen birge qaldyqtardy kádege jaratý máselesin sheshýde de aıtarlyqtaı kómek bolmaq.
Bul týraly Astanada ADB Basqarýshylar keńesiniń 47-shi májilisi aıasynda «jasyl ekonomıka áleýmettik damý jáne kedeıshilikti joıý faktory» paneldik sessııasynda «jasyl ekonomıka úshin Koalıtsııasynyń» jáne G-Global damý basqarmasynyń tóraıymy Saltanat Rahymbekova málimdedi. Statıstıkaǵa súıensek, búgingi kúni Qazaqstanda 30 mıllıard tonnaǵa jýyq qaldyq bar. Qaldyqtardy joıý búgingi kúni ózekti máselelerdiń biri. «Qazirgi tańda energııany paıdalaný nemese qaldyqtardan energııa alýǵa arnalǵan birqatar jobalar usynylýda. Biz bul tájirıbeni talqylap jatyrmyz. Sonyń biri - vermımádenıetti paıdalaný,-dedi Rahymbekova hanym. Onyń atap ótkenindeı, vermımádenıet AQSh-ta keń taraǵan, ony fermerlerdiń 20 paıyzy paıdalanady. Osyǵan oraı koalıtsııa tóraıymy Qazaqstanda da osy tájirıbeni engizý kerektigin aıtty. Ol: «Qazaqstanda óndiristik kólemde osyndaı joba júzege asyrylýda. Qazirgi ýaqytta oblys ortalyqtarynda bul joldy jalǵastyrýshylar bar», -dedi. «Biz Koalıtsııada vermımádenıetti damytý jaǵdaılaryn eseptedik, negizdeme jasadyq, nıet bildirýshilerdiń paıdalanýyna bolady. Tájirıbeni ózimiz usynamyz. Sondaı-aq, osy baǵytty damytýǵa qarjy alý múmkindigi de bar, - dep sózin túıindedi. Vermımádenıet - arnaıy fermalarda jaýyn qurttaryn ósirý. Alǵash ret V. sharýashylyǵy 40-shy jyldardyń sońynda AQSh-ta ashylǵan. Vermımádenıet organıkalyq qaldyqtardy joıýdyń basym baǵyttarynyń biri bolyp tabylady. Bul sondaı-aq Batys Eýropa elderinde, Vengrııa, Polsha syndy Shyǵys Eýropa elderinde, Japonııa, Azııanyń ońtústik-shyǵys elderinde de keń taraǵan, dep habarlaıdy Ekonomıka jáne bıýdjettik josparlaý mınıstrliginiń baspasóz qyzmetinen.
