Qazaqstanda valıýtalyq depozıtter 12,1 paıyzǵa tómendedi
Onyń dereginshe, depozıt kólemi qyrkúıektiń sońynda 18,1 trln teńge bolyp, jyl basynan beri 2,4 paıyzǵa tómendedi. Bank sektoryn qalypqa keltirý sharalarymen baılanysty olardyń kólemi 1-toqsanda tómendegen soń sáýirden bastap depozıtter 5,2 paıyzǵa ósti nemese 901 mlrd teńge boldy. Shetel valıýtasyndaǵy salymdardy teńgemen salymdarǵa aýystyrý jalǵasýda. 9 aıda ulttyq valıýtamen salymdar 6,7 paıyzǵa ósti. Al valıýtalyq depozıtter 12,1 paıyzǵa tómendedi. Nátıjesinde, depozıtterdiń dollarlaný deńgeıi jyl basyndaǵy 48,4 paıyzdan qyrkúıektiń qorytyndysy boıynsha 43,6 paıyzǵa deıin tómendedi.
«Depozıt naryǵyndaǵy sapaly ózgeristerge ótken jyly qazanda engizilgen jeke tulǵalardyń teńge salymdary boıynsha eń joǵary stavka belgileýdiń jańa tásili yqpal etýde. Biz stavkanyń biryńǵaı dırektıvalyq mánin belgilemeımiz. Qazirgi ýaqytta 6 aıǵa deıingi qysqa aralyqta stavkalar bazalyq stavka deńgeıine baılanystyryldy. Depozıttik stavkalar barynsha uzaq aralyqta bankterdiń naryqtyq stavkalaryna qaraı qalyptasady», - dedi UB tóraǵasy.
Máselen, merzimsiz salymdar boıynsha stavkalar 10 paıyzdan, merzimdi salymdar boıynsha 12 paıyzdan aspaıdy. Al jınaq salymdary boıynsha 14,6 paıyzǵa jetti.
«Mundaı tásil naryqtyń qalypty bolýyn qamtamasyz etedi jáne klıent úshin básekeni arttyrady. Jınaq depozıtteriniń tartymdylyǵyn kóteredi», - deıdi E.Dosaev.