Qazaqstanda valıýta aıyrbastaýshylardan qujat suraý usynyldy
NUR-SULTAN. QazAqparat – QR Ulttyq bankiniń resmı saıtynda «Qazaqstan Respýblıkasynda qolma-qol shetel valıýtasymen aıyrbastaý operatsııalaryn uıymdastyrý qaǵıdalaryn bekitý týraly» QR UB basqarmasynyń №49 qaýlysyna ózgerister men tolyqtyrýlar engizý týraly» qaýly jobasy jarııalandy, dep habarlaıdy QazAqparat.
Qaýly jobasyna sáıkes, 51-tarmaq tómendegideı ózgertilýi múmkin.
«Árbir júrgizilgen aıyrbastaý operatsııasy boıynsha tizilimder jýrnalynda mynalar kórsetiledi: klıenttiń jeke basyn kýálandyratyn qujattyń derekteri (tegi, aty jáne ákesiniń aty (bar bolsa) (aty, ákesiniń aty tolyq kórsetiledi), qujattyń túri, berilgen kúni, qujattyń nómiri, qoldanylý merzimi); klıenttiń jeke sáıkestendirý nómiri (bar bolsa); klıenttiń zańdy mekenjaıy», delingen qujatta.
Avtomattandyrylǵan aıyrbastaý beketi úshin bir aıyrbastaý operatsııasynyń somasy 500 000 teńgeden aspaýy tıis.
