Qazaqstanda valıýta aıyrbastaý oryndarynyń jumys ýaqyty qysqarýy múmkin
NUR-SULTAN. QazAqparat – QR Ulttyq bankiniń resmı saıtynda «Qazaqstan Respýblıkasynda qolma-qol shetel valıýtasymen aıyrbastaý operatsııalaryn uıymdastyrý qaǵıdalaryn bekitý týraly» QR UB basqarmasynyń №49 qaýlysyna ózgerister men tolyqtyrýlar engizý týraly» qaýly jobasy jarııalandy, dep habarlaıdy QazAqparat.
Qaýly jobasyna sáıkes, aqsha aıyrbastaý beketteriniń jumys ýaqytyn qysqartý josparlanǵan.
Ol úshin qaǵıdanyń 33-tarmaǵy 2-tarmaqshamen tolyqtyrylady.
«Aıyrbastaý pýnktiniń (avtomattandyrylǵan aıyrbastaý pýnktiniń) jumys rejimi qolma-qol shetel valıýtasymen aıyrbastaý operatsııalaryn júzege asyrýǵa quqyǵy bar zańdy tulǵa 10 saǵat 00 mınýttan 19 saǵat 00 mınýtqa deıingi ýaqyt sheginde derbes anyqtaıdy», delingen qujaıt jobasynda.
