Qazaqstanda vaktsına alýdan bas tartqandar sany 3,8 paıyzǵa ósti — Sarhat Beısenova

ASTANA. KAZINFORM — Qazaqstanda vaktsına alýdan bas tartqan azamattardyń sany artqan.

Bul týraly QR DSM Sanıtarııalyq-epıdemıologııalyq baqylaý komıtetiniń tóraǵasy Sarhat Beısenova Ortalyq kommýnıkatsııalar qyzmetinde ótken baspasóz konferentsııasynda jýrnalısterdiń suraǵyna jaýap berý barysynda habarlady.

— Iá, búginde vaktsınadan bas tartý jahandyq másele. Qazaqstanda da bul problema bar. Eger salystyrmaly túrde qaraıtyn bolsaq, 2017 jyly vaktsına egýden bas tartqandardyń sanyna qaraǵanda, bıyl bul kórsetkish 3,8 paıyzǵa ósti. Máselen, buryn 5 300 adam ekpeden bas tartsa, bıyl olardyń sany 20 myńǵa jýyqtady. Bul statıstıka barlyq vaktsına túrine qatysty, — dedi S. Beısenova.

Onyń aıtýynsha, tumaýǵa qarsy ekpeden bas tartý «táýekel toptary» arasynda tirkelmegen.

Buǵan deıin tumaý men JRVI kórsetkishi ótken jylmen salystyrǵanda 19%-ǵa tómendegenin jazǵanbyz.