Qazaqstanda vaktsınanyń qansha dozasy qaldy

NUR-SULTAN. QazAqparat – QR Densaýlyq saqtaý birinshi vıtse-mınıstri Marat Shoranov elimizde vaktsınanyń qalǵan qansha dozasy bar ekenin aıtty, dep habarlaıdy QazAqparat tilshisi.

«Búginde vaktsınanyń shamamen 480 myń dozasy bar. Vaktsınatsııa kólemine baılanysty árbir úshin arnaýly kúndelikti jospar ázirlengen. Soǵan oraı óńirlerden tıisti aqparatty kúndelikti jınap otyramyz. Qazirgi ýaqytta jaqsy qarqyn aldyq, táýligine shamamen 50 myń vaktsına salynady. Bul joǵary shek emes», - dedi birinshi vıtse-mınıstr Ortalyq kommýnıkatsııalar qyzmetindegi baspasóz máslıhaty barysynda.

Marat Shoranovtyń dereginshe, osy aıynyń sońyna deıin 910 myń doza, basqa óndirýshilerdiń 500 myń dozasy jáne 25 myń «QazVac» vaktsınasyn jetkizý kútiledi. Bul eldiń shamamen 2 mln azamatyna vaktsınatsııalaýdyń qoljetimdiligin qamtamasyz etedi.