Qazaqstanda vaktsınaǵa qatysty feık aqparatpen kúres kúsheıtiledi

NUR-SULTAN. QazAqparat – Qazaqstanda vaktsınaǵa qatysty feık aqparatpen kúres kúsheıtiledi. Bul týraly búgin Úkimet otyrysynda QR Densaýlyq saqtaý mınıstri Alekseı Tsoı aıtty, dep habarlaıdy QazAqparat tilshisi.

«Aqparat jáne qoǵamdyq damý mınıstrligimen birge halyq arasynda vaktsınatsııanyń mańyzdylyǵy jáne jalǵan aqparattardy teristeý týraly aýqymdy aqparattyq túsindirý jumystary jolǵa qoıylatyn bolady. Arnaýly medıa jospar júzege asyrylady», - dedi ol.

Mınıstrdiń atap ótýinshe, ol úshin aqparattyq resýrstardyń, onyń ishinde áleýmettik jeliler men messendjerlerdiń búkil áleýeti jumyldyrylady.

«Vaktsınatsııanyń mańyzdylyǵyna basymdyq berýge barlyq telearnalar men baspa basylymdardy jumyldyrý, oń nátıjelerdi kórsetý úshin oı-pikir kóshbasshylaryn, sarapshylardy jáne medıa tulǵalardy tartý, feıkterdi teristeý jáne olarmen kúresý úshin senimdi aqparattardy jarııalaý josparlanyp otyr», - dedi Alekseı Tsoı.