Qazaqstanda vaktsınatsııalaýǵa 11 myń medıtsına qyzmetkeri tartyldy

NUR-SULTAN. QazAqparat - Elimizde jappaı vaktsınatsııalaýǵa 11 myńǵa jýyq medıtsına qyzmetkeri tartyldy. Bul týraly halyq aldynda esep berý kezdesýinde QR Densaýlyq saqtaý mınıstri Alekseı Tsoı aıtty, dep habarlaıdy QazAqparat tilshisi.

«Búkil álem tek vaktsınatsııa bizdiń bárimizge karantınsiz qalypty ómirge oralýǵa múmkindik beretinin túsindi. Búgingi tańda elimiz boıynsha 1 184 124 adam birinshi komponentpen jáne 239 965 ekinshi komponentpen vaktsınatsııalandy», - dedi mınıstr.

Osy oraıda A. Tsoı halyqty vaktsınatsııamen barynsha qamtý úshin qabyldanǵan sharalar týraly málim etti.

«Jyljymaly ári kóshpeli egý pýnktteri iske qosyldy. Jappaı vaktsınatsııalaýǵa 11 myńǵa jýyq medıtsına qyzmetkeri tartyldy. Vaktsınatsııa eldegi epıdemıologııalyq jaǵdaıdy turaqtandyrýǵa múmkindik beredi», - dedi mınıstr.

Budan buryn habarlanǵandaı, Alekseı Tsoı koronavırýsqa qarsy vaktsınany jetkizý boıynsha sheteldik kompanııalarmen aradaǵy kelissózder týraly aıtty.

Qazirgi kezde , Qazaqstanda KVI-ge qarsy úsh vaktsına qoljetimdi bolady.