Qazaqstanda vaktsına salynýy tıis balalardyń jas aralyǵy parametrleri ózgere me
«Pfizer vaktsınasyn (Qazaqstanǵa) bıylǵy tórtinshi toqsanda jetkizý josparlanǵan. Kompanııamen tıisti keste naqtylanǵannan keıin, biz jetkizý merzimin jarııalaımyz. Vaktsınalaýmen qamtylýy tıis turǵyndarǵa toqtalsaq, ıaǵnı jas aralyǵy kategorııasy jaıynda aıtatyn bolsaq, qazirgi kezde elimizde Pfizer kompanııasy málimdegen tirkeý kýáligi men nusqaýlyqta 12 jastaǵy jáne odan joǵary jastaǵy balalarǵa atalǵan vaktsınany salýǵa bolady. Alaıda bul vaktsına erikti túrde jáne ata-ananyń kelisimimen ǵana salynady», - dedi A. Tsoı Úkimettegi onlaın baspasóz máslıhatynda.
Sonymen qatar ol vaktsına qoıylatyn balalardyń jas aralyǵy boıynsha parametrlerdi ózgertý múmkindigi týraly aıtyp berdi.
«Jas aralyǵyn ózgertýge toqtalsaq, osy klınıkalyq synaqtar júrgizilgen elderdiń retteýshilerimen atalǵan zertteýler bekitilse, sondaı-aq resmı sıpattama alsaq, atalǵan qadamdardy qarastyrýymyz múmkin. Qazirgi kezde tirkeý kýáligine sáıkes, 12 jastan bastap vaktsına alýǵa ruqsat bar», - dedi Alekseı Tsoı.
Eske sala keteıik, bıyl qyrkúıek aıynda Germanııalyq BioNTech kompanııasy men onyń amerıkalyq áriptesi Pfizer óndirgen 5-11 jas aralyǵyndaǵy balalarǵa arnalǵan koronavırýsqa qarsy vaktsına birneshe aptanyń ishinde paıdalanýǵa berilýi múmkin ekeni habarlanǵan edi.
