Qazaqstanda vahtalyq ádispen jumys isteıtinder sany 500 myńnan asty

ASTANA. KAZINFORM — Memlekettik eńbek bırjasynyń saıtynda vahtalyq jumysqa qabyldaý boıynsha 394 bos jumys orny jarııalandy, dep habarlaıdy energyprom.kz portaly.

Qazaqstanda jumys isteıtin halyqtyń tek 5,5%-y ǵana vahtalyq ádispen eńbek etedi. Ulttyq statıstıka bıýrosynyń málimetinshe, 2025 jyldyń birinshi toqsanyndaǵy jaǵdaı boıynsha 506,8 myń jaldamaly qyzmetker «bir aı jumys, bir aı demalys» kestesimen ómir súrýde. Bul jumyskerlerdiń tórtten úshi aýyl turǵyndary, al qala turǵyndary tek 25,7%-yn quraıdy.

Vahtalyq ádispen jumys isteıtinderdiń:

• 60,5%-y (306,6 myń adam) óz oblystarynyń sheginde eńbek etedi;

• 37,7%-y (shamamen 191,1 myń adam) basqa óńirlerge baryp jumys isteıdi.

Almaty men Astanada jarııalanǵan vahtalyq bos jumys oryndarynyń 16,5%-y osy qalalarǵa tıesili dep kórsetilgen. Alaıda bul laýazymdardyń naqty oryndary kóbine Qaraǵandy, Atyraý jáne basqa oblystardaǵy shalǵaı nysandarda ornalasqan. Mundaı jumystar úshin ortasha jalaqy 250–300 myń teńge aralyǵynda.

Suranysqa ıe mamandyqtar

Jumys berýshiler vahtalyq ádispen jumys isteýge kóbine tehnıkalyq jáne jumysshy mamandardy izdeıdi. Kóp jaǵdaıda vahtalyq jumysqa usynylatyn jalaqy osyndaı qyzmettegi turaqty jumysqa qaraǵanda áldeqaıda joǵary.

Mysaly:

• 2024 jyldyń qańtar–mamyr aılarynda jalpy jumysshynyń (raznorabochıı) vahtalyq bos orny boıynsha ortasha jalaqysy — 408,4 myń teńge boldy;

• Al el boıynsha qarapaıym kómekshi jumysshynyń ortasha jalaqysy — 186,5 myń teńge.

Eń joǵary jalaqy usynylatyn vahtalyq mamandyqtar:

1. Munaı-gaz salasy: burǵylaýshylar, mashınıster, burǵylaý qondyrǵysynyń sheberleri —

   Atyraý oblysynda olarǵa deıingi jalaqy — 1 mıllıon teńgege deıin.

2. Júk kóliginiń júrgizýshisi: shalǵaıdaǵy kásiporyndarǵa sý jetkizýmen aınalysady —

   jalaqysy — 600 myń teńgege deıin.

Buǵan deıin habarlanǵandaı, jumyssyz qazaqstandyqtarǵa SMS arqyly jumys múmkindikteri týraly aqparat beriledi.