Qazaqstanda V jáne S vırýstyq gepatıtterin taratýshy 626 medıtsına qyzmetkeri anyqtaldy

Baspasóz qyzmetiniń málimetinshe, aǵymdaǵy jylǵy shildeniń 1-nen bastap menshik nysanyna qaramastan elimizdiń barlyq medıtsınalyq uıymdarynda V jáne S vırýstyq gepatıtteriniń aldyn alý jónindegi sharalardy saqtaýǵa, onyń ishinde beıinine qaramastan, hırýrgııalyq aralasýǵa qatysatyn medıtsına qyzmetkerleriniń, operatsııalyq jáne tańý bólimsheleriniń orta jáne kishi medıtsına personaldarynyń V jáne S gepatıtteriniń markerine tekserilýleriniń bolýyna tekseris júrgizilýde. Shildeniń 15-i jaǵdaı boıynsha 1467 medıtsınalyq uıym, vırýstyq gepatıtterdiń markerine hırýrgııalyq aralasýǵa qatysatyn 34 myń 787 medıtsına qyzmetkeri tekserilgen. Nátıjesinde V jáne S vırýstyq gepatıtterin taratýshy 626 medıtsına qyzmetkeri anyqtalǵan, onyń ishinde 329 qyzmetker V vırýstyq gepatıtin, 280 qyzmetker S vırýstyq gepatıtin, 17 qyzmetker V jáne S vırýstyq gepatıtterin taratýshy ekendigi anyqtalǵan. «V jáne S vırýstyq gepatıtteri markerleriniń taratýshylyǵy anyqtalǵan barlyq medıtsına qyzmetkerleri hırýrgııalyq aralasýmen baılanysty jumystan ýaqytsha shettetildi jáne tolyq tekserilýge jáne tegin emdelýge jiberildi. 34 myń 725 medıtsına qyzmetkeri V vırýstyq gepatıtine qarsy egýler qabyldady», delingen baspasó qyzmetiniń málimetinde. Medıtsına uıymdarynyń basshylaryna aýrýhanaishilik aýrýlardyń aldyn alý jónindegi sharalardy saqtaý, «V» vırýstyq gepatıtine qarsy vaktsınatsııasy ári V jáne S vırýstyq gepatıtteriniń markerine tekserilýi bolǵan kezde ǵana medıtsına qyzmetkerlerin jumysqa qabyldaýǵa turaqty baqylaýdy qamtamasyz etý tapsyrylǵan.