Qazaqstanda úzdik memlekettik qyzmetshi anyqtalady
ASTANA. QazAqparat - 15 aqpanda «Qazaqstan Respýblıkasynyń úzdik memlekettik qyzmetshisi» respýblıkalyq konkýrsy bastaldy, dep habarlaıdy QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń baspasóz qyzmeti.
Konkýrs eki kezeńnen turady. I kezeń - óńirlik (oblystyq) deńgeı.
Ekinshi kezeńge qatysýshylardy irikteýdi óńirlik konkýrstyq komıssııa júrgizedi.
Óńirlik konkýrstyq komıssııa agenttiktiń aýmaqtyq departamentteriniń janynan qurylady jáne qoǵamdyq birlestikterdiń, úkimettik emes uıymdardyń, BAQ, memlekettik organdardyń basshylarynan jáne basqa da tulǵalardyń ókilderinen turady.
Birinshi kezeń 10 sáýirinde aıaqtalady. Atalǵan kezeńde, úmitkerler qujat tapsyrady jáne olardyń ádistemelik usynymǵa sáıkestigi tekseriledi, sodan keıin kandıdattar strategııalyq jáne baǵdarlamalyq qujattar boıynsha test tapsyrady. Sońynda ahýaldyq máseleni sheshý qabileti baǵalanady.
II kezeń - respýblıkalyq deńgeı. Agenttiktiń janyndaǵy Parlament depýtattary, «Atameken» kásipkerlik palatasy ókilderi, qoǵamdyq birlestikter, BAQ jáne laýazymdy tulǵalar qatysatyn komıssııa irikteý júrgizedi.
Atalǵan kezeńde úmitkerler jeke jobalyq jumys usynady. Jobalyq jumysta memlekettik organdar qyzmetiniń tıimdiligin arttyrý boıynsha jańalyqtar usynylýy tıis. Bul rette, atalǵan usynystardyń ekonomıkalyq nemese áleýmettik áseri kórsetilýi qajet.
Sheshim arnaıy ázirlengen baǵalaý ólshemin qoldaný arqyly daýys berý jolymen qabyldanady.
Ekinshi kezeńniń qorytyndysy 2018 jyldyń 10 maýsymynda shyǵarylady.
Baıqaýǵa qatysty tolyq aqparat agenttiktiń saıtynda ornalastyrylǵan arnaıy ádistemelik usynymda kórsetilgen.
