Qazaqstanda úzdik 17 jobaǵa qarjy bólindi

ALMATY. QazAqparat - Qazaqstanda QR Tuńǵysh Prezıdenti qory úzdik 17 áleýmettik jobany júzege asyrýǵa grant bóldi, dep habarlaıdy QazAqparat tilshisi.

«Zamannyn' ziatker jastary- vision of the future» baıqaýynyń qorytyndysy jaqynda jarııalanǵan bolatyn. Baıqaýda 160 joba baq synady. Baıqaýǵa oraı uıymdastyrylǵan jármeńkede 50 áleýmettik joba «STEP - 7», «Aman keleshek rıadom!» jáne «Tulpar - Bolashaq» atalymdary boıynsha synǵa tústi.

«50 jobanyń árqaısysy qazaqstandyqtardyń ómir sapasyn jaqsartý úshin jańa tehnologııalardy paıdalaný, ınternet-qosymshalar, áleýmettik ınnovatsııalyq usynystarǵa toly. Bul Elbasy Nursultan Nazarbaevtyń halyqqa joldaýlarynda birneshe ret aıtylǵan mindettiń údesinen shyǵady», - dedi qor ókili Sergeı Toqtarov.

Baıqaý qorytyndysy boıynsha 17 úzdik joba iriktep alyndy. Joba avtorlary 500 myń teńgeden bastap 2,5 mln teńgege deıin grant alady. Endi Qazaqstanda Jastar ortalyǵy men «You can BE» bı zaldary, qazaq tilin úırenetinderge «Mámile» talqylaý klýby, sybaılas jemqorlyqtyń aldyn alý maqsatynda «Halyq baqylaýy» qoǵamdyq qabyldaýy, «Men baqytty otbasyndamyn» psıhologııalyq trenıng ortalyqtary, «Sybaılas jemqorlyqty joıý» stýdentterge arnalǵan trenıngter, tarıhı mádenı kórnekti oryndardy aralaýǵa arnalǵan jastar týry ashylady.

Sonymen qatar, Nur Sultan qalasynan «Ónerim - rýhanı qazynam» kerýeni Qazaqstan óńirlerine jolǵa shyǵady.