Qazaqstanda uzaqqa sozylǵan aptap ystyq aıaqtaldy
ASTANA. QazAqparat - Qazaqstannyń ońtústik aýmaǵyndaǵy uzaqqa sozylǵan aptap ystyq aıaqtaldy, dep habarlaıdy Qazgıdromet.
Bul aptaptyń joǵarǵy deńgeıin keshe almatylyqtar sezindi. Ol jerde ystyqtyń shegi +39,2ºS-ǵa jetti, bul aldyńǵy eń joǵary kórsetkishten 3º ystyq.
Endi demalys kúnderi Ýral jáne Batys Sibirdiń soltústiginen shyqqan ylǵaldy salqyn aýa respýblıkamyzdyń ońtústik jáne ońtústik-shyǵys aýdandaryna jetedi. Bul jerlerde jańbyr, naızaǵaı, 15-20 m/s jel, shańdy boran men temperatýranyń tómendeýi kútiledi. Taý jáne taýly aımaqtarda qatty nóser bolýy yqtımal.
Aldaǵy úsh kúnde atmosferada soltústik aǵymdar saqtalady. Sondyqtan elimizdiń kóp bóliginde jańbyr jaýady, kúnniń jylylyǵy temperatýranyń kópjyldyq ortasha kórsetkishinen 3-6º tómen bolmaq.
