Qazaqstanda páter jaldaý quny arzandaı bastady

Krisha.kz taldaý qyzmetiniń habarlaýynsha, páterdi uzaq merzimge jalǵa berý quny monıtorıng júrgizilgen 13 qalanyń 8-inde arzandaǵan. Qazan aıynda ortasha jalǵa berý quny qyrkúıekpen salystyrǵanda 2,2% tómendegen, dep habarlaıdy Kazinform.

Qazan aıyndaǵy baǵanyń quldyraýy jaz mezgilinen bastalǵan.

Baǵanyń eń qatty ósýi shilde-tamyz aralyǵyna keldi. Ol ýaqytta aı saıynǵy jalǵa alý quny 4–7 % ósti.

Bir aı ishinde páter jaldaý quny Aqtóbede - 7%, Petropavlda - 6%, Aqtaý, Qostanaı, Kókshetaýda — 5%, Almaty, Qaraǵandyda 4% jáne Astanada - 1% qurady.

Al Pavlodar, Oral, Óskemende baǵa birshama ósti.

Páter jaldaý quny eń qymbat qala - Almaty. Onda ortasha alǵanda sharshy metr jer 6 myń teńge bolady. Eń arzan baǵa Aqtaýda. Onda sharshy metrine 2632 teńge alady.

Baǵanyń ósý qarqynyn qańtar aıynan bastap alyp qaraıtyn bolsa, 10,3% qymbattaǵan.