Qazaqstanda uıaly baılanys operatorlarynyń tabysy qandaı
NUR-SULTAN. QazAqparat – Operatorlar bir jylda uıaly baılanys qyzmetinen túsken tabys 6 mlrd teńgege artty, dep habarlaıdy QazAqparat ranking.kz silteme jasap.
«2019 jylǵy jeltoqsannyń sońynda Qazaqstanda uıaly baılanystyń 25,7 mln abonenti tirkeýde boldy. Bul osynyń aldyndaǵy bir jyl burynǵy kórsetkishten 1,1 paıyzǵa az (26 mln). Sonymen birge, ınternetke qosylǵan uıaly baılanys abonentteri sany bir jylda 3,9 paıyzǵa artyp, 15 mln boldy (bir jyl buryn 14,4 mln abonent)», - delingen habarlamada.
2019 jylǵy qańtar-jeltoqsanda baılanys qyzmetinen kompanııalar tabysy 9,8 paıyzǵa artyp, 800,1 mlrd teńgeni qurady. 2018 jyldaǵy sáıkes kezeńde tabys somasy 728,7 mlrd teńge bolǵan edi.
Baılanys naryǵynyń jalpy kóleminde eń joǵary úlesti ınternet qyzmeti kiristeri qurap otyr, ıaǵnı 35,6 paıyzǵa nemese 258,1 mlrd teńgege jetti. Bul qarjy somasy 2018 jylmen salystyrǵanda 16,6 paıyz deńgeıinde ósti.
Osy turǵyda ınternet qyzmetterine suranystyń artýy negizgi sebep boldy. Sondaı-aq, sektordaǵy tarıftiń ósimi ózindik úlesin qosty. 2019 jylǵy qańtar-jeltoqsanda ınternet baılanys quny 2018 jylǵy qańtar-jeltoqsanǵa qaraǵanda 3,3 paıyzǵa artty.
Munymen qosa, naryqtyń 27,7 paıyzy uıaly baılanys qyzmetinen tabysty qamtyp otyr. Byltyrǵy 12 aıda onyń somasy 221,6 mlrd teńgege jetip, 2018 jylǵy kezeńmen (215,5 mlrd teńge) salystyrǵanda 2,8 paıyzǵa ósti.
