Qazaqstanda uıaly baılanys qunyn tómendetetin tetik qolǵa alyndy - A. Jumaǵalıev
ASTANA. QazAqparat - Óz telefon nómirin tolyqtaı saqtaı otyryp, operatordy aýystyrý múmkindigi Qazaqstanda uıaly baılanys qunyn tómendetedi. Bir jyldan beri qolǵa alynǵan bul mehanızmdi iske asyrýǵa negizgi daıyndyq jumysy da júrgizildi, dep jazady Kazpravda.kz.
«Qazir abonenttik nómirlerdiń ortalyqtandyrylǵan derekqoryn qurý jáne ákimshilendirý jumystary júrgizilýde, sebebi 2015 jyly qazaqstandyq mobıldik baılanys abonentteri nómirin tolyqtaı saqtaı otyryp, operatorlaryn aýystyra alady», - dedi QR Baılanys jáne aqparat agenttiginiń basshysy A. Jumaǵalıev.
Agenttik basshysynyń aıtýynsha, operatordy aýystyrý qyzmeti iske qosý keleshekte tarıfterdiń tómendeýine, baılanys sapasynyń artýyna da áser etýi tıis.
Qazaqstan uıaly baılanys tarıfteri deńgeıi boıynsha 148 eldiń ishinde 17-shi orynda. «Mobıldik quldyqty» joıý jobasy arqyly bul satydan joǵary kóterilýge bolady.
