Qazaqstanda uıaly telefondy verıfıkatsııalaý memlekettik kompanııaǵa beriledi
ASTANA. KAZINFORM — Qazaqstan uıaly telefondardy verıfıkatsııadan ótkizý qyzmetin memlekettik kompanııaǵa berý josparlanyp otyr. Bul týraly Úkimet otyrysynan keıingi baspasóz máslıhatynda QR Jasandy ıntellekt jáne tsıfrlyq damý birinshi vıtse-mınıstri Rostıslav Konıashkın aıtty.
Onyń aıtýynsha, tıisti sheshim qazirdiń ózinde Úkimet deńgeıinde qaralǵan.
— Bul rette memlekettik monopolııaǵa qosylady degen sheshim qabyldandy. Olar telefondardyń verıfıkatsııasyna qajet qyzmetterdi kórsete alatyn memlekettik uıym bolady, — dedi R. Konıashkın.
Sonymen qatar Májiliste tıisti normatıvtik-quqyqtyq ózgerister qarastyrylyp jatyr.
— Ózgerister maquldanady dep úmittenemiz. Qabyldanǵan jaǵdaıda, munymen memlekettik kompanııa aınalysady, — dep vıtse-mınıstr.
Aıta keteıik, buǵan deıin smartfondy resmı tirkeý aıasynda elde qansha telefon buǵattalǵanyn jazǵan edik.
Eske salsaq, byltyr kúzde «Memlekettik radıojıilik qyzmeti» RMK IMEI-kodtaryn tekserý qyzmetin júrgizýge ótinish berdi.
Qazir Qazaqstanda IMEI verıfıkatsııasymen «ATS Mediafon KZ» JShS aınalysyp keledi. Ol ashyq konkýrs nátıjesinde operator retinde tańdaldy.
