Qazaqstanda úı janýarlarynyń baǵasy qansha
Asyl tuqymdy úı janýaryn satyp alý, ony asyraý kóp aqshany qajet etedi, dep habarlaıdy Kazinform tilshisi.
Úı janýarynyń baǵa reıtıngin jasaý úshin mysyq, ıt, totyqus jáne akvarıým balyǵy tańdaldy.
Mysyq
Asyl tuqymdy mysyq satatyn adam kóp. Biz baǵany salystyrý kezinde sıam, brıtan, bengal jáne sfınks tuqymyn tańdadyq.
Sıam tuqymdy marǵaý baǵasy 5 000 teńgeden bastalyp, 50 000 teńgege jetedi.
Brıtan tuqymdy marǵaý baǵasy 15 000 teńgeden bastalyp, 80 000 teńgege deıin barady. Marǵaý júniniń, kóziniń túsi, qany baǵaǵa áser etedi.
Sfınks marǵaý baǵasy 20 000 teńgeden bastalyp tur. Marǵaýdyń bul túriniń baǵasy keıde 190 000 teńgege jetedi. Arzanynyń qany keıde taza bolmaýy múmkin.
Bengal marǵaýynyń baǵasy 100 000 — 380 000 teńge.
It
Baǵa reıtıngine taksa, tazy, pekınes jáne labrador tuqymdy ıt kúshigi tańdaldy.
Taksa baǵasy 5 000 teńgeden bastalyp 90 000 teńgege deıin jetedi.
Tazy (qazaqy tazy) baǵasy 10 000 teńgeden bastalyp 50 000 teńgege jetip tur. Bul ańǵa shyǵatyn tazy.
Pekınes tuqymdy ıt kúshiginiń baǵasy — 20 000-105 000 teńge aralyǵynda. Úıde baǵa tómen, al kórmede quny joǵary.
Labrador — eń qymbaty. Baǵasy 50 000 teńgeden bastalyp, 400 000 teńgege jetedi. Tuqymdy ıtti tamaqtandyrý da qymbatqa túsedi.
Balyq
Akvarıýmdaǵy balyq baǵasy qoljetimdi. Biraq ol úshin akvarıým jáne oǵan qajetti qurylǵylardy qosa satyp alý kerek.
Gýppı — 100 — 500 teńge.
Qylysh balyq — 200-500 teńge.
Skalıarııa — 200 — 1000 teńge.
Altyn balyq — 400 — 3000 teńge.
Som — 400 — 5500 teńge.
Aıqasqaq — 800 — 9000 teńge. Bul kózge birden túsetin shıraq balyq.
Balyq kútimi ártúrli. Tańdaý kezinde ózindik ereksheligi men akvarıým kólemine mán bergen jón.
Totyqus
Totyqustardyń da baǵasy ártúrli.
Buıra totyqus — 2500 — 7500 teńge.
Aıyrylmastar — 6000 — 15 000 teńge. Túsi buıra totyqustarǵa uqsaıdy, biraq túri salmaqty kórinedi. Aty aıtyp turǵandaı, birden ekeýin satyp alý kerek.
Korella — 8500 — 25 000 teńge. Buıra jáne aıyrylmastar totyqusyna qaraǵanda iri.
Jako — 400 000 — 700 000 teńge. Bul totyqus sóıleıdi.
Kakadý — quny 1 mıllıon teńge jáne odan joǵary. Kóbine tapsyryspen satylady.
Buǵan deıin Qazaqstandaǵy qurylys materıaldarynyń baǵasyn salystyrdyq.