Qazaqstanda ústimizdegi jyldyń 6 aıynda «A» jáne «V» gepatıtterimen naýqastaný 39% jáne 15%-ǵa tómendegen
ASTANA. 5 tamyz. QazAqparat - 2013 jyldyń birinshi jartyjyldyǵynda ótken jyldyń sáıkes kezeńiniń kórsetkishterimen salystyrǵanda «A» gepatıtimen naýqastaný 39%-ǵa, «V» gepatıtimen naýqastaný 15%-ǵa tómendedi,
dep málimdedi QR Densaýlyq saqtaý mınıstrliginiń Memlekettik sanıtarlyq-epıdemıologııalyq qadaǵalaý komıtetiniń tóraǵasy Jandarbek Bekshın QR Prezıdenti janyndaǵy Ortalyq kommýnıkatsııalar qyzmetiniń baspasóz máslıhaty barysynda. Bul týraly www.primeminister.kz saıty habarlady.
«Bizde «A» jálne «V» gepatıtterimen naýqastaný boıynsha aıtarlyqtaı tómendeý baıqalǵan. Osylaısha, 6 aıda «A» gepatıtimen naýqastaný 39%-ǵa, «V» gepatıtimen naýqastaný 15%-ǵa azaıǵan», - dedi ol.
J.Bekshınniń aıtýynsha, jyl saıyn gepatıtterdiń osy túrleri boıynsha naýqastaný 15-40%-ǵa tómendeıdi. Astanada «A» gepatıtimen aýrý 24%-ǵa, Almatyda «A» gepatıti boıynsha 30%-dan astamǵa, al «V» gepatıti boıynsha naýqastaný 12%-ǵa azaıǵan.
Budan ózge, vaktsınalaýdyń arqasynda «V» gepatıti jalpy eresekter arasynda 24 esege, al balalar arasynda 52 esege azaıǵan.
Bas sanıtarlyq dárigerdiń málimetinshe, 21 ınfektsııaǵa qarsy ımmýndyq profılaktıka júrgizýge memleket jyl saıyn 12-15 mlrd teńge bóledi.
