Qazaqstanda ushý-qoný jolaǵynyń jaǵdaıy týraly derekter usynýdyń jahandyq formaty engizildi
Bul týraly QazAqparat QR Indýstrııa jáne ınfraqurylymdyq damý mınıstrligi Azamattyq avıatsııa komıtetiniń baspasóz qyzmetine silteme jasap habarlaıdy.
Baspasóz qyzmetiniń málimetterine qaraǵanda, 2021 jylǵy 4 qarashadan bastap Qazaqstan Respýblıkasynyń sertıfıkattalǵan áýe aılaqtaryn paıdalanýshylar IKAO-nyń jańa ádisnamasy boıynsha UQJ betiniń jaǵdaıy týraly habarlamany berýge jáne baǵalaýdy oryndaýǵa kiristi.
GRF engizilýimen Qazaqstan Respýblıkasynda alǵash ret ushý ekıpajdaryna «SNOWTAM» qar habarlamalaryn jarııalaý bastaldy. Alǵashqy bolyp SNOWTAM-dy Qostanaı, Pavlodar, Almaty áýejaılary jarııalady.
IKAO-nyń ushý qaýipsizdigi salasyndaǵy jahandyq maqsattarynyń biri ushý-qoný jolaǵyndaǵy operatsııalardyń qaýipsizdigin qamtamasyz etý bolyp tabylady. Atap aıtqanda, áýe kemeleriniń ushyp-qoný jolaǵynan tys shyǵýyna baılanysty avıatsııalyq oqıǵalardyń úlesi shamamen 15%-dy quraıtyndyqtan, áýe kemeleriniń shyǵyp ketý sanyn qysqartý, bul rette osy oqıǵalar sanatyna barlyq avıatsııalyq apattardyń 50%-y keledi. Ushý-qoný jolaǵynan tys shyǵyp ketý jaǵdaılarynyń 80%-y qysqy ýaqytta atmosferalyq jaýyn-shashynnyń bolýy saldarynan ushý-qoný jolaǵynda ilinisýdiń tómendeýine baılanysty.
GRF ádistemesi ushý-qoný jolaǵy betiniń jaǵdaıyna baǵalaý júrgizýge jáne habarlamany daıyndaýǵa búkil álemde birkelki tásildi qamtamasyz ete otyryp, onda atmosferalyq jaýyn-shashyn bolǵan kezde áýe kemeleriniń ushý-qoný jolaǵynan tys shyǵyp ketý jaǵdaılarynyń aldyn alý arqyly ushý qaýipsizdigin arttyrýǵa baǵyttalǵan.
UQJ-nyń jaı-kúıi týraly habarlamany áýe kemelerin óndirýshi usynǵan ushaqtyń ushý-tehnıkalyq sıpattamalary týraly derektermen salystyra otyryp, ushý ekıpajy qaýipsiz qoný úshin ushý-qoný sıpattamalaryn esepteı alady.
