Qazaqstanda ushý qaýipsizdiginiń deńgeıi damyǵan Eýropa elderimen birdeı - komıtet
Halyqaralyq avıatsııalyq qoǵamdastyq sońǵy eki-úsh jyl ishinde Azamattyq avıatsııa komıteti júrgizip kele jatqan Qazaqstandaǵy azamattyq avıatsııa salasyn basqarýdyń engizilip jatqan tásilderin oń baǵalady.
Muny IKAO men Eýropa komıssııasynyń sarapshylary da atap ótip otyr.
Bıylǵy naýryz aıynda Qazaqstannyń avıatsııalyq ákimshiligi «Air Transport News Corporate Award» korporatıvtik syılyǵyn aldy.
Qazaqstannyń avıatsııa ákimshiligi – tórt jyl buryn úzdik halyqaralyq tájirıbelerge negizdelgen tıimdi avıatsııalyq organ bolý maqsatymen qurylǵan jas retteýshi organ.
Búgingi tańda ákimshilik shtatynda 150-dan astam avıatsııa ınspektory bar.
IKAO aýdıtiniń nátıjesi boıynsha ushý qaýipsizdiginiń deńgeıi damyǵan Eýropa elderiniń deńgeıine sáıkes keledi.
Irlandııanyń avıatsııalyq bıligimen jáne Eýropalyq avıatsııalyq qaýipsizdik agenttigimen (EASA) tehnıkalyq yntymaqtastyq jáne adamı áleýetti arttyrý jónindegi úshjaqty kelisim aıasynda jumys bastaldy.
Bul yntymaqtastyqty júzege asyrý eldegi ushý qaýipsizdiginiń deńgeıin arttyrýǵa jáne AQSh-qa tikeleı reısterdi iske qosý úshin FAA jáne IKAO ushý qaýipsizdigi aýdıtine tıimdi daıyndalýǵa múmkindik beredi.
Halyqaralyq yntymaqtastyqty nyǵaıtý maqsatynda ushý qaýipsizdiginiń deńgeıin arttyrý boıynsha seriktestermen jumys júrip jatyr.
QAÁ Halyqaralyq áýejaılar keńesi (ACI Europe jáne ACI World), ushý qaýipsizdigi, avıatsııalyq qaýipsizdik jáne jolaýshylarǵa qyzmet kórsetý sapasy boıynsha Halyqaralyq áýe kóligi qaýymdastyǵy (IATA), sondaı-aq aeronavıgatsııalyq qyzmet kórsetýdi jetildirý boıynsha CANSO jáne EUROCONTROL sııaqty jetekshi halyqaralyq avıatsııalyq qaýymdastyqtarmen yntymaqtasa otyryp, salanyń múddesin qoldaıdy.
QAÁ sonymen qatar IKAO-men ártúrli oryndarda belsendi jumys isteıdi.
«Ótken jyly Qazaqstan ókili Eýropa men Soltústik Atlantıka aımaǵyndaǵy IKAO avıatsııalyq qaýipsizdik jónindegi arnaıy toby tóraǵasynyń orynbasary bolyp saılandy, al bıyl biz Azamattyq avıatsııanyń bas dırektorlary konferentsııasy tóraǵasynyń orynbasary laýazymyna ıe boldyq. IKAO-men tyǵyz yntymaqtastyqtyń nátıjesinde biz bolashaqta IKAO standarttaryna 90% deıin sáıkestikke qol jetkizýdi kóremiz. Búgingi tańda Qazaqstan IKAO standarttaryna 82% sáıkes keledi. Aldaǵy ýaqytta QAÁ avıatsııalyq bıliktiń aımaqtyq kóshbasshylyǵyn jáne sapaly halyqaralyq qatysýdy nyǵaıta beredi» delingen AAK taratqan habarlamada.
Qazaqstandy Ortalyq Azııadaǵy azamattyq avıatsııanyń kóshbasshysy retinde kórsete otyryp, avıatsııalyq qaýipsizdik boıynsha – AVSEC Avıatsııalyq qaýipsizdikti úılestirý toby (6 memleket) jáne azamattyq avıatsııany basqarý boıynsha – EACAC Eýrazııalyq azamattyq avıatsııa konferentsııasy (10 memleket) boıynsha eki aımaqtyq bastama iske qosyldy.
Ushý qaýipsizdigi men jolaýshylar qaýipsizdigin qamtamasyz etýdiń tıimdiligi men nátıjeliligin arttyrý úshin baqylaý-qadaǵalaý qyzmetinde QAÁ bıznes-protsesterin ońtaılandyrý men tsıfrlandyrýdy bastaý josparlanǵan.
1 shildede QAÁ avıatsııalyq bılik organdarynyń qarjylyq avtonomııasyna qol jetkizý úshin IKAO-nyń úzdik halyqaralyq tájirıbesi men standarttaryna sáıkes keletin qarjylandyrýdyń jańa modelin iske qosty.
