Qazaqstanda úsh tilde dıplomatııalyq sózdikter jaryqqa shyqty
ASTANA. 13 jeltoqsan. QazAqparat - Búgin Astanada QR Syrtqy ister mınıstrligi qazaqsha-aǵylshynsha-oryssha jáne oryssha-qazaqsha-aǵylshynsha dıplomatııalyq sózdikteriniń tusaýkeserin ótkizdi.
Syrtqy ister vıtse-mınıstri Qaırat Sarybaıdyń atap ótkenindeı, atalmysh sózdikter 2004 pen 2006 jyldary jaryqqa shyqqan qazaqsha-oryssha anyqtamalyq sózdiginiń negizinde jasalǵan. Kitapqa dıplomatııa, qazirgi zamanǵy syrtqy saıasat jáne halyqaralyq qarym-qatynastarǵa qatysty termınder men sóz tirkesteri enip otyr. Sózdikter dıplomattar, oqytýshylar men stýdenter úshin taptyrmas kómekshi quraly bolmaq. Ony qurastyrýǵa kásibı sarapshylar tartyldy. Jobany vıtse-mınıstrdiń ózi basqardy.
«Eń bastysy munda elder men olardyń astanalarynyń jazylý normalary birizdendirildi. Bizdiń qyzmette dıplomatııalyq sózdikterdiń jetispeı turǵan tustaryn osy eńbek toltyratyn bolady», - dedi Q.Sarybaı.
Onyń aıtýynsha, atalmysh sózdikterdi ózge tilderde de shyǵarý kózdelýde.
