Qazaqstanda úsh iri fabrıka salynsa, qus etiniń ımporty tolyǵymen jabylady - A. Mamytbekov

ASTANA. 6 qarasha. QazAqparat - Qazaqstanda úsh iri qus fabrıkasy salynsa, qus etiniń ımporty tolyǵymen jabylady. Búgin Parlament Májilisiniń jalpy otyrysynda Aýyl sharýashylyǵy mınıstri Asyljan Mamytbekov osylaı málim etti.

Eske salaıyq, jıyn barysynda «Qazaqstan Respýblıkasynyń keıbir zańnamalyq aktilerine agroónerkásip kesheni máseleleri boıynsha ózgerister men tolyqtyrýlar engizý týraly» zań jobasy talqylanǵan bolatyn.

«Biz qus sharýashylyǵynda iri fabrıkalardyń jumys istegenin yntalandyrýǵa tyrysýymyz kerek. Al shaǵyn qus fabrıkalarymen básekelestikke túsý esh múmkin emes. Aıta keterligi, qazir Qazaqstanda shamamen 100 myń tonna qus eti ımporttalady. Eger Almaty oblysyndaǵy 300 myń tonna qus etin shyǵaratyn iri fabrıka bar ekenin eskersek, sondaı úsh iri fabrıka tutastaı qus eti ımportyn jabatyn edi», - deıdi Asyljan Mamytbekov.

Bul rette mınıstr eldegi qus sharýashylyqtaryn irilendirýdiń qajettigin alǵa tartqan bolatyn.