Qazaqstanda úsh balaǵa Kavasakı sındromy dıagnozy qoıyldy
NUR-SULTAN. QazAqparat – Densaýlyq saqtaý mınıstrliginiń resmı ókili Baǵdat Qojahmetov koronavırýs ınfektsııasynan 114 bala aýrýhanada emdelip jatqanyn aıtty, dep habarlaıdy QazAqparat tilshisi.
«Naýryz aıynan bastap balalardyń koronavırýs ınfektsııasyn juqtyrýdyń 2 257 jaǵdaıy tirkeldi. Onyń ishinde qazirgi kezde Qazaqstan aýrýhanalarynda 114 bala jatyr», - dedi resmı ókil Ortalyq komýnnıkatsııalar qyzmetinde.
Belgili bolǵandaı, úsh jetkinshekte Kavasakı sındromy anyqtaldy. Kavasakı sındromy kúretamyrlarǵa zaqym keltiredi.
«Jyl basynan beri jalpy úsh jaǵdaı tirkeldi, ıaǵnı Nur-Sultanda, Almatyda jáne Petropavlda», - dedi B. Qojahmetov.
Onyń sózine qaraǵanda, balalardyń densaýlyǵy ártúrli dárejede. Elordadaǵy balanyń densaýlyq jaǵdaıy turaqty.
«Bul óte kúrdeli sındrom. Sáıkesinshe, oǵan erekshe mán bergen jón», - dedi resmı ókil.
