Qazaqstanda urlyqty qaıta jasaǵandarǵa jaza qataıatyn bolady
ASTANA. QazAqparat - QR Іshki ister mınıstriniń birinshi orynbasary Janat Súleımenov elimizde jalpy urlyq jaǵdaılary jáne mal urlaýshylarmen kúres qalaı júrgizilip jatqanyn aıtyp berdi, dep habarlaıdy QazAqparat tilshisi.
«Elimizde jyl basynan beri urlyq qylmysyna baılanysty 36 myń adam ustaldy. Onyń 1705-i mal urlyǵy boıynsha quqyq qorǵaý organdaryna túsken. Urlyq jasaǵandardyń shamamen 40 paıyzy buryn da osy qylmys boıynsha ustalǵan adamdar. ıAǵnı, 17 myńǵa tarta adam buryn da urlyq babymen sottalǵandar. Mal urlyǵy boıynsha polıtsııanyń esebinde 2,8 myń adam tur. Jyl basynan beri urlyq qylmysymen 3,5 myń adam qylmystyq jaýapkershilikke tartylsa, onyń 648-i mal urlyǵyna baılanysty sottaldy», - dedi vıtse-mınıstr Parlament Senatynada ótken dóńgelek ústelde.
Onyń aıtýynsha, TMD elderiniń tájirıbesi kórsetip otyrǵandaı, qaıtalanǵan urlyqtarǵa jazany kúsheıtý, mal urlyǵyna jeke bap taǵaıyndaý atalmysh máseleni sheshýdiń bir tetigi bolyp esepteledi.
«Máselen, kórshiles Ózbekstan elinde qaıtalanǵan urlyq qylmysy aýyr qylmystardyń sanatyna jatady. Tipti ol elde qaıta urlyq jasaǵandar 8 jyldan 15 jylǵa deıin sottalyp ketýi múmkin. Geroın óndirgeni úshin bizde jaýapkershilik qataıa túsken. Máselen, 1 gramm geroınmen ustalýdyń ózi aýyr qylmysqa jatyp, kináli 12 jylǵa deıin sottalýy yqtımal», - deıdi QR Іshki ister mınıstriniń birinshi orynbasary Janat Súleımenov.
Vıtse-mınıstr óz sózinde atap ótkendeı, ІІM qazirgi zańnamaǵa urlyqtyń qaıta jasalý jaǵdaıyna qatysty ózgerister engizgeli jatqanyn aıtyp berdi.
«Qaıtalanǵan urlyqty aýyr qylmystardyń sanatyna jatqyzý týraly ózgeris engizý usynylady. Bul ózgerister barlyq urlyq túri boıynsha kórsetkishti jaqsartýǵa kómek bolar edi. Bul jerde múlik ıeleriniń quqyǵyn qorǵaýdy kúsheıtý máseleleri qamtylǵan. Qazir zań obasy Parlament Májilisiniń qaraýynda», - deıdi ol.
