Qazaqstanda urlyq jasaý qylmysy boıynsha jaza qatańdatyldy

NUR-SULTAN. QazAqparat – Elimizde ózgeniń múlkine qol suǵýǵa qatysty qylmystyń jazasy qatańdatyldy. Bul týraly Nur-Sultan qalasy polıtsııa departamenti krımınaldyq polıtsııa basqarmasynyń bólim basshysy Dıas Qadirov málim etti, dep habarlaıdy QazAqparat tilshisi.

«Osyǵan deıin aıtqanymdaı, urlyq qylmys birneshe topqa bólinedi. Sonyń biri páter tonaý. Páter tonaýshylar ekige bólinedi kásibı jáne áýesqoı. Páter tonaý kóbinese kóktem men jazda bolady. Sebebi kún jyly nemese ystyq kezde úı ıeleri tereze men esikti ashyq qaldyryp jatady. Al urlyqshylar ol sátti qalt jibermeıdi. Sondaı-aq, ótken jyldyń jeltoqsan aıynan bastap tonaý men urlyqqa qatysty zańǵa ózgeris engizildi. ıAǵnı urlanǵan múlik ıesine qaıtarylyp, ekijaq tatýlasqan kúnniń ózinde qylmysker zańǵa sáıkes jazasyn óteıdi. Sol sııaqty jaza qatańdatyldy», - dedi Dıas Qadirov polıtsııa departamentinde ótken baspasóz máslıhatynda.

Onyń aıtýynsha, sońǵy jyldary elorda aýmaǵynda urlyq jasaý qylmysy azaıǵan.

«Osylaısha ishki ister mınıstrligi qabyldap, bizdiń departament iske asyryp jatqan sharalar nátıjesin berip jatyr. Durys baǵyttamyz degen sóz», - deıdi ol.

Buǵan deıin habarlaǵanymyzdaı, ótken jyly elordada 100-den astam avtokólik urlandy.