Qazaqstanda urlanǵan jeke derekterdiń reestri qurylmaq

ASTANA. KAZINFORM – Júıe qazaqstandyqtardyń jeke derekteriniń taralyp ketken-ketpegenin kórsetedi.

Elimizde joǵalǵan, urlanǵan jeke derekterdiń reestrin qurý jospary týraly Tsıfrlyq damý, ınnovatsııalar jáne aeroǵarysh ónerkásibi mınıstrliginiń Aqparattyq qaýipsizdik komıtetiniń tóraǵasy Rýslan Ábdihalyqov málim etti.

- Árbir azamat jeke derekterin engize alatyn baza quramyz. Mysaly, tegi, aty, telefon nómiri, elektrondyq poshta mekenjaıy taǵy sol sııaqty. Júıe osy derekter boıynsha álemde qandaı da bir aqparattyń tarap ketý jaǵdaıyn kórsetedi, – dedi Rýslan Ábdihalyqov ortalyq kommýnıkatsııalar qyzmeti alańynda ótken baspasóz máslıhatynda.

Odan ári tsıfrlyq mınıstrlik ókili jańa júıeniń artyq tustaryna toqtaldy.

- Aldymen bizge retteýshi organ retinde, azamattardy aqparattandyrý fýnktsııasyn oryndaý úshin mańyzdy. Eger biz qandaı da bir derekterdiń taralyp ketkenin anyqtasaq, ony halyqqa jetkizý bizdiń mindet. Al azamattarǵa qansha jáne qandaı málimeti joǵalǵanyn bilýge kómektesedi. Eger sizdiń jeke derekterińizdi bógde adam paıdalansa, málimettiń bank qyzmetkerleri nemese memlekettik organdar arqyly emes, zańsyz taralyp ketkenin bile alasyz, – dep tolyqtyrdy spıker.

Aıta ketsek, elimizde jeke derekter jınaıtyn kompanııalardan kıbersaqtandyrý talap etiledi.