Qazaqstanda ýrannyń 469 myń tonna qosymsha qory anyqtaldy
QR Ekologııa, geologııa jáne tabıǵı resýrstar vıtse-mınıstri Serikqalı Brekeshev ortalyq kommýnkatsııalar qyzmetinde ótip jatqan brıfıngide osyndaı málimet berdi.
«Jumys istep turǵan kásiporyndardyń mıneraldyq-shıkizat áleýetin nyǵaıtý jáne shıkizat bazasyn qamtamasyz etý úshin 1991 jyldan bastap júrgizilgen geologııalyq barlaý jumystarynyń nátıjeleri boıynsha alǵash ret kómirsýtegi shıkizatynyń 135 ken orny, jerasty sýlarynyń 99 ken orny, qatty paıdaly qazbalardyń 224 ken orny memleket menshigine alyndy. Onyń ishinde 94 – altyn, 14 – mys, 19 – marganets kenderiniń, 16 – temir kenderiniń, 4 – polımetaldardyń qory bar», - degen mınıstrdiń orynbasary birneshe eski kenishterdiń qory qosymsha barlaý arqyly kóbeıtilgenin atady.
«Buryn zerttelgen ken oryndarynyń shıkizat bazasy ulǵaıtyldy. Vasılkovskıı ken ornynyń qorlary birneshe ese ósti. Jer qoınaýyn paıdalanýshylardyń óz kúshimen júrgizgen barlaý jumystarynyń qorytyndysy altynnyń – 1,9 myń tonna, ýrannyń – 469 myń tonna; marganets keniniń – 160,7 mln tonna, temir keniniń– 2,9 mlrd tonna, munaıdyń – 2,5 mlrd tonna, gazdyń – 506 mlrd tekshe metr, gaz kondensatynyń – 277,2 mln tonna qory anyqtaldy», - dedi vıetse-mınıstr.
