Qazaqstanda UOS ardagerlerine qıyn jaǵdaıda kómek shaqyratyn dabyl qurylǵylary taratylady
Esterińizge sala keteıik, «Samuryq-Qazyna» AQ men Respýblıkalyq «Ardagerler uıymy» qoǵamdyq birlestigi 2015 jyly Uly Otan soǵysynyń 70 jyldyǵyn toılaý qarsańyndaǵy daıyndyq jumystary aıasynda Áriptestik týraly memorandýmǵa qol qoıdy.
«Búgin osy memorandým boıynsha jańa aktsııany iske asyrǵaly otyrmyz. Bul aktsııany biz «Jeńis» dep atadyq. Osy shara jetpis jyldyqtan keıin de ardagerlerdi qamqorlyqqa alyp, olarǵa qajetti qoldaý kórsetetin uıym bolǵaly otyr», - dedi ol.
Keńes tóraǵasynyń sózine qaraǵanda, osy aktsııa aıasynda ardagerlerge « dabyl túımesi» taratylady. «ıAǵnı, úıde jalǵyz qalǵan, qaraýshysy joq ardagerler qıyn jaǵdaıǵa túsken kezde qolyndaǵy bilezikti nemese moınyndaǵy alqa túrindegi qurylǵynyń túımesin bassa, ortalyq dıspetcherlik pýnktke habar túsedi. Sol kezde bul ardager týraly tolyq aqparat shyǵarylyp, qarttarǵa dereý jedel-járdem mashınasy nemese basqa da kómek túrleri barady», - dedi Ó. Ozǵanbaev.
Belgili bolǵandaı, ardagerlerdi atalǵan dabyl qurylǵysymen jabdyqtaýǵa tıisti qarjy bólindi. Osy aptanyń juma kúninde bul qurylǵylar qarttarǵa taratyla bastaıdy. Jalpy barlyq ardagerler bıylǵy jylǵy sáýirdiń aıaǵyna deıin bul qurylǵylarmen tolyq jabdyqtalady.
«Bizdiń elimizde úlken sharaǵa daıyndyq júrip jatyr. Ol bıylǵy keń aýqymdy túrde atalyp ótiletin Uly Jeńistiń 70 jyldyǵy merekesi. Bul jeńisti jaqyndatý úshin bizdiń babalarymyz, ákelerimiz, aǵalarymyz búkil ómirin sarp etti, janyn aıaǵan joq, sonyń nátıjesinde biz búgin beıbit aspan astynda jetpis jyldan beri ómir súrip jatyrmyz. Búgingi urpaq osy atalary men ákeleriniń eńbegine laıyqty baǵasyn berý úshin elimizde alýan túrli, aýqymdy keń kólemde jumystar júrip jatyr», - dedi Ó. Ozǵanbaev.
Osy oraıda Ortalyq keńesiniń tóraǵasy osy sharalardyń eń bastysy ótken jyldyń sońynda ótken Elbasynyń arnaıy árbir ardagerdi quttyqtaýy ekenin atap ótti.
