Qazaqstanda ýnıversıtet rektorlarynyń reıtıngi engiziledi – Bilim mınıstri

NUR-SULTAN. QazAqparat - Joǵary oqý oryndary rektorlarynyń reıtıngi engiziledi. Bul týraly «Bilim jáne ǵylym – eldiń turaqty damýynyń kepili» taqyrybyndaǵy pedagogterdiń Respýblıkalyq tamyz konferentsııasynyń plenarlyq sessııasynda QR Bilim jáne ǵylym mınıstri Ashat Aımaǵambetov málim etti, dep habarlaıdy QazAqparat tilshisi.

«Bıyl qyrkúıek aıynan bastap joǵary oqý oryndary rektorlarynyń reıtıngisin engizemiz. Bul óz kezeginde tetik bolady. Osy reıtıng qorytyndysy boıynsha kadrlyq ári uıymdastyrýshylyq sheshimderdi qabyldaımyz», - dedi Ashat Aımaǵambetov.

Bul turǵyda mınıstr Qazaqstandaǵy joǵary oqý oryndarynyń básekege qabiletti bolýy mańyzdy ekenin atap ótti.

«Osy oraıda jetistikter ýnıversıtetterdiń birinshi basshylaryna da baılanysty. Sondyqtan bul másele biz úshin óte mańyzdy», - dedi ol.

Budan buryn habarlanǵandaı, bıyl pedagogtardyń quqyqtaryn buzý týraly júzden astam ótinish qaraldy .

2022 jyldyń qańtarynda balabaqsha men mektep, kolledj pedagogtarynyń jalaqysy 25 paıyzǵa ósedi.