Qazaqstanda únemdi shaǵyn kólikterdi satyp alý yntalandyrylady – Úkimet otyrysy
ASTANA. 27 tamyz. QazAqparat - «Energııa únemdeý-2020» baǵdarlamasy aıasynda Qazaqstanda jaǵarmaı turǵysynda únemdi kólikterdi satyp alý yntalandyrylady. Bul týraly Úkimet otyrysynan keıin QR Indýstrııa jáne jańa tehnologııalar vıtse-mınıstri Nurlan Saýranbaev málim etti.
Aıta keteıik, búgin Mınıstrler Kabınetiniń otyrysynda atalǵan baǵdarlama qabyldandy.
Bundaı qadamdar sheteldegi tájirıbege súıene otyryp jasalatynyna toqtalǵan ol, «Eýropadaǵy kez kelgen qalada barlyq turǵyndar shaǵyn kólikterdi paıdalanady. Bul óz kezeginde avtoturaqta turýǵa, ekologııa úshin, onyń ishinde benzın shyǵymdylyǵy jaǵynan tıimdi. Osyǵan baılanysty «Energııa únemdeý-2020» baǵdarlamasy aıasynda otyndy paıdalanýdy 30 paıyzǵa tómendetý turǵysynda únemdi avtokólikterdi satyp alý yntalandyrylady»,-dedi vıtse-mınıstr.
Onyń sózine qaraǵanda, bundaı kólikter úshin salyq kólemi jeńildikti bolady. «Bul standartty normalar, ıaǵnı tarıftik jáne aktsızdik saıasat arqyly iske asyrylady. Osy salyqtar shaǵyn lıtrajdy kólikter úshin jeńildikti bolady»,-dedi N. Saýranbaev.
