Qazaqstanda Úndistannyń sot saraptamasy jáne IT-krımınalıstıka ýnıversıtetiniń fılıaly ashylady

ASTANA. KAZINFORM – Іshki ister mınıstrligi men Ǵylym jáne joǵary bilim mınıstrligi birlesip, Úndistandaǵy sot ǵylymdary ulttyq ýnıversıtetiniń fılıalyn ІІM Basqarý akademııasy bazasynda ashý boıynsha jumystardy júrgizip jatyr, - dep jazdy Polisia.kz.

Oqý ornynyń bazasynda úsh jaqty kezdesý ótti. Oǵan ǵylym jáne joǵary bilim mınıstri Saıasat Nurbek, Іshki ister mınıstriniń orynbasary Aıdar Saıtbekov jáne Úndistan Ulttyq sot ǵylymdary ýnıversıtetiniń ókili Shrı Djadeja qatysty.

Kezdesý barysynda Qazaqstanda NFSU fılıalyn qurý máseleleri talqylandy. Onyń maqsaty – elimizdiń quqyq qorǵaý organdary úshin kıberqaýipsizdik, tsıfrlyq krımınalıstıka, sot saraptamasy jáne qoldanbaly qylmystyq tergeý salalarynda joǵary bilikti mamandar daıyndaý.

Kezdesý qorytyndysy boıynsha NFSU fılıalynyń ІІM Akademııasy bazasynda ashylýy jáne qos dıplomdyq bilim baǵdarlamalarynyń iske qosylýy jóninde kelisimge qol qoıyldy. Taraptar arasyndaǵy kelisimder aıasynda kadr daıarlaý, sondaı-aq birlesken ǵylymı jáne quqyqtyq zertteýlerdi damytýǵa erekshe kóńil bólinedi. Bul Qazaqstannyń Ortalyq Azııadaǵy akademııalyq hab retinde damýyna septigin tıgizedi.

Buǵan deıin Antıkorda krımınalıstik basqarma ashylatynyn jazǵan edik.