Qazaqstanda un baǵasy bir aıda 8 paıyzǵa qymbattady
2022 jyldyń qańtar-sáýir aılarynda elimizde dándi daqyldardan 1,2 mln tonna un óndirigen. Bul ótken jylmen salystyrǵanda 4,6% artyq. Óńirler ishinde dástúrli túrde eń kóp un Qostanaı oblysynda óndirildi. Onda 399,9 myń tonna, jyldyq ósim 10,8%-dy quraǵan. Úzdik úshtikke sondaı-aq Soltústik Qazaqstan (118 myń tonna, jyldyq ósim 25,2%) jáne Qaraǵandy (96,2 myń tonna, -4,4%) oblystary kirdi.
Jalpy, 2021 jyldyń qańtar-jeltoqsanynda óndiris 6,9%-ǵa, 3,1 mln tonnaǵa deıin tómendedi. Qazaqstan el ishindegi qajettilikterin tolyǵymen qamtamasyz etýde. Osylaısha, birinshi toqsannyń qorytyndysy boıynsha jergilikti kompanııalar suranysty (ishki naryqtaǵy satýdy qosqanda eksportty) 99,5%-ǵa qamtamasyz etti. Jalpy ımport 23,9%-ǵa ósken, biraq bul osy kezeńdeg elde óndirilgen 4,1 myń tonna ǵana. Al, 467,8 myń tonna un eksporttaldy. Bul ótken jylmen salystyrǵanda 36,4 paıyz artyq. Eksporttyń úlesi resýrstardyń 56,2%-yn qurady.
2022 jyldyń qańtar-naýryz aılarynda un eksporty bir jylda birden 78,2%-ǵa ósip, 172,8 mln AQSh dollaryn qurady. TMD elderine 126 myń tonna un jóneltilgen. Bul ótken jylmen salystyrǵanda 23,8% artyq. Munda el óniminiń negizgi ımporttaýshysy – Ózbekstan. Úzdik «úshtikke» sondaı-aq Túrikmenstan jáne Reseı kirdi. TMD-dan tys elderge 132,4 mln AQSh dollary somasyna 341,9 myń tonna un jóneltilgen. Munda negizgi kólemdi Aýǵanstan ımporttaıdy.
