Qazaqstanda Ulybrıtanııanyń ozyq tájirıbesi negizinde jańa poshtalyq ındekster engizilmek
ASTANA. QazAqparat - Qazaqstanda Ulybrıtanııanyń ozyq tájirıbesiniń negizinde jańa poshtalyq ındeksterdi engizý josparlanady. Bul týraly búgin Parlament Májilisinde «Poshta týraly» zań jobasyn tanystyrǵan Investıtsııalar jáne damý vıtse-mınıstri Sáken Sársenov málim etti.
«Búgingi kúni poshta qyzmetin paıdalanýshylardyń mekenjaılary poshta operatorynyń óndiristik nysandaryna berilgen. Kóp jaǵdaıda bul mekenjaılar naqty bolmaıdy, kóshe attary aýysyp otyrady, úılerdiń nómirleri belgilenbeıdi, keıde kóshelerge ýaqytsha ataý beriledi. Osyǵan baılanysty, biz Ulybrıtanııanyń ozyq tájirıbesiniń negizinde jańa poshtalyq ındeksterdi engizýdi josparlap otyrmyz», - deıdi vıtse-mınıstr. Onyń aıtýynsha, jańa poshtalyq ındekster tek poshta operatorlarynyń óndiristik nysandaryna ǵana emes, sonymen qatar barlyq turǵyn úı jáne turǵyn emes ǵımarattarǵa beriletin bolady. Bul paıdalanýshylardyń mekenjaılaryn naqty anyqtaýǵa jáne jazbasha hat-habarlardy suryptaýdy tezdetýge múmkindik beredi. Aıta keterligi, bıyldan bastap Astana jáne Petropavl qalalarynda pılottyq negizde jańa poshtalyq ındeksterdi berý jumystary júrgizile bastady. «Budan bólek, zań jobasynda gıbrıdtik jóneltilim qyzmetin kórsetýdiń negizgi erejeleri bekitiledi. Bul qaǵaz júzindegi qarapaıym poshta jóneltiliminiń keıbir kezeńderden ótpeı-aq, gıbrıdtik jóneltilimdi adresatqa tez arada jetkizýge múmkindik beredi. Qazirgi ýaqytta osy tásildi QR Joǵarǵy soty «Qazposhta» AQ-men birlesip atqarýda. ıAǵnı, poshta bólimsheleri sot habarlamasyn eldiń shalǵaı aýdandaryna dereý jetkizýdi qamtamasyz etip otyr. Osy tájirıbege Bas prokýratýra, Salyq komıteti jáne Astana qalalyq Іshki ister departamenti qyzyǵýshylyqtaryn bildirýde», - deıdi vıtse-mınıstr S.Sársenov.
