Qazaqstanda Ulttyq stýdenttik keńes qurylýda

 ASTANA. 19 tamyz. QazAqparat - Respýblıkada quramyna Qazaqstannyń stýdenttik uıymdarynyń kóshbasshylary enetin Ulttyq stýdenttik keńes qurylady, dep habarlady QR BǴM Jastar isi jónindegi komıteti tóraǵasynyń mindetin atqarýshy Nurlan Óteshev Pm.kz saıtyna bergen suhbatynda.

«Stýdent jastar búginde Qazaqstan jastarynyń avangardy bolyp tabylady, bul belgili álemdik trend. Ulttyq stýdenttik keńes bul - stýdentterdiń ózin ózi basqarýyn damytýǵa jasalǵan jańa qadam», - dedi N.Óteshev.

Qurylyp jatqan keńes jastar bastamalaryn júzege asyrýdyń anaǵurlym joǵary deńgeıli  alańy bolady dep kútilýde.

 Budan basqa, N.Óteshev Ulttyq stýdenttik keńes atsalysatyn birinshi kezektegi máseleler - Qazaqstannyń Bolon úrdisine qosylýy men stýdentterdiń akademııalyq utqyrlyǵyn arttyrýdy ázirleý bolyp tabylatynyn basa aıtty.

 Sondaı-aq, N.Óteshev atalǵan keńeske stýdenttik uıymdardyń kóshbasshylary men belsendilerinen basqa, jas ǵalymdar da kiretinin habarlady.