Qazaqstanda ulttyq ónerdi dáripteıtin Dombyra telearnasy ashylady
ASTANA. QazAqparat - 25 aqpannan bastap Qazaqstanda jańa Dombyra telearnasy kórsetile bastaıdy, dep habarlaıdy QazAqparat telearna dırektory Qanat Erjigitovke silteme jasap.
«Dombyra» telearnasy - qazaq halqynyń rýhanı jan serigine aınalǵan mýzykalyq tól aspaptaryn, dástúrli ánderi men ulttyq kúılerin halyqqa barynsha nasıhattaıtyn jańa formattaǵy telearna bolýdy kózdeıdi. Baǵdarlamalar táýlik boıy qazaq tilinde júrgiziledi. Onyń efırinde otandyq ónerpazdardyń án-kúı, jyrlardy kórsetiledi. Aspaptardy úırený mektebi, qolóner sheberleri jaıly baǵdarlamalar túsiriledi», - dedi Qanat Erjigitov QazAqparat tilshisine bergen suhbatta.
Onyń aıtýynsha, telearna jumysy jeke qarjylandyrý esebinen júrgiziledi.
«Dombyra» telearnasy Otaý TV, «IDTV», YOUTUBE jáne áleýmettik jeliler arqyly taratylady. Bul arnany aýylda da, qalada da tegin tamashalaýǵa bolady», - dedi telearna dırektory.
Eske sala ketsek, 2018 jyly Memleket basshysy Nursultan Nazarbaevtyń Jarlyǵymen shilde aıynyń 1 jeksenbisi «Ulttyq dombyra kúni» bolyp jarııalanǵan bolatyn.
