Qazaqstanda ulttyq kıim merekesin atap ótýdi usyndy - VIDEO
ASTANA. QazAqparat - Jaqyn kúnderi kúntizbemizge taǵy bir mereke qosylýy múmkin. Tarıhshy ári jazýshy Arman Nurmaǵambetovtiń «Ulttyq kıim kúnin» atap ótý týraly bastamasyna áleýmettik jelilerde kópshilik birden qoldaý kórsetti. Avtordyń oıynsha, turǵyndar sol kúni jappaı qazaqtyń ulttyq kıimin kııý kerek. Bul mekerekeni toılasaq, jeńil ónerkásip pen týrızm qaryshtap damıdy dep senedi.
Kesheden beri áleýmettik jelilerde Arman Nurmaǵambetovtiń ataǵy jer jardy. Onyń ıdeıasyn qoldaýshylar tolastamaı tur. Ǵalamtorda bastamanyń belsendi talqylanýyna avtordyń ózi de ań-tań.
«Nege biz eýropalyq kıimdi kıip júremiz? Ózimizdiń sánimizdi baǵalamaımyz. Bir kún bolsa da jylda ulttyq kıim búkil el kıip shyqsa paıda kóp. Bir jaǵynan ádemi bolyp shyǵady. Elestetińizshi qalalar, aýyldarda ulttyq kıim kıip shyǵady», - deıdi ıdeıa avtory Arman Nurmaǵanbetov.
Tarıhshy ataýly kún qazaqtyń beshpent, qamzol, shapanyn kıetin kúnniń kenjelep qalǵan otandyq jeńil ónerkásip, týrızm salasyna da serpilis beretinine senimdi. Ol merekeni sáýirdiń sońy nemese qyrkúıekte ótkizý týraly usynys bildirip otyr.
Ulttyq kıimdi jumysqa kıip kelýge, sánge aınaldyrýǵa eshkim qarsy emes. Qundylyqtarymyzdy jańǵyrtýǵa jastar da ázir. Alaıda bul bastama bolashaqta úrdiske aınala ma jáne baǵasy qoljetimdi bolady ma? Ol jaǵy ýaqyt enshisinde, dep jazady tv7.kz.
