Qazaqstanda Ulttyq ǵylym akademııasy janynan jas ǵalymdar keńesi qurylady

ALMATY. QazAqparat - Qazaqstan Respýblıkasy Prezıdentiniń janyndaǵy QR Ulttyq ǵylym akademııasynyń prezıdenti Kúnsulý Zakarııa almatylyq jas ǵalymdarmen kezdesti, dep habarlaıdy QazAqparat tilshisi.

Negizgi talqy ǵylymdy jandandyrý, jas ǵalymdardy qoldaý taqyrybynda órbidi. Akademııa prezıdenti jas ǵalymdar keńesin qurýdy usyndy.
«Keńes otyrysy jylyna tórt ret, ıaǵnı toqsan saıyn ótedi. Basqosýda keńes músheleri ózekti máselelerdi ortaǵa salyp, talqylap sheshetin bolady. Búgin biz alǵash ret kezdesip otyrmyz, munda túrli salanyń ǵalymdary men sarapshylary qatysýda. Muny men patrıottyq akt dep qabyldaımyn. ıAǵnı, sizder qazaq eliniń bolashaǵyn oılaısyzdar. Sizderge alǵysym sheksiz», - dedi Kúnsulý Zakarııa.

Ol keńes quramyna belgili bir salany damytý úshin óz ıdeıalaryn usyna alatyn 40 jasqa deıingi tabysty jas ǵalymdar múshe bolatynyn atap ótti.
«Keńestiń jas ǵalymdary óz oılaryn ortaǵa salyp, bar problemalardy aıtyp, el men ǵylymnyń damýyna úles qosýy kerek. Biz eń tabysty, myqty, saýatty ǵalymdardy usynatyn bolamyz. Biraq olar óz kandıdatýrasyn ózderi usynýy kerek. Keńeste ǵylymnyń barlyq salasynyń ókilderi bolýyn qamtamasyz etemiz. Qansha adam bolatynyn keıinirek sheshemiz, árıne, sanǵa shekteý bolady. Bul Keńestiń qashan qurylatyny ǵalymdardyń ózderine baılanysty, biraq meniń oıymsha, bul keńes taıaý ýaqytta paıda bolady, óıtkeni barlyǵy osyǵan múddeli», - dedi QR Ulttyq ǵylym akademııasynyń prezıdenti.
Aıta keteıik, Kúnsulý Zakarııa QR Ulttyq ǵylym akademııasynyń prezıdenti bolyp osy jyldyń sáýir aıynda taǵaıyndalǵan bolatyn.