Qazaqstanda Ulttyq geografııalyq qoǵamynyń qurylýy tarıhı oqıǵa - E.Orynbaev
ASTANA. 8 qazan. QazAqparat - Qazaqstanda Ulttyq geografııalyq qoǵamynyń qurylýy tarıhı oqıǵa. Búgin «Nazarbaev ýnıversıtetinde» Qazaqstannyń Ulttyq geografııalyq qoǵamynyń qurylýyna arnalǵan birinshi sezde QR Premer-Mınıstriniń orynbasary Erbol Orynbaev osylaı dedi.
«Mundaı qoǵamdy qurý ıdeıasy QR Prezıdenti Ákimshiliginiń basshysy Kárim Másimovke tıesili. Bul bastama «Nazarbaev ýnıversıteti» janyndaǵy korporatıvtik qordyń bedeldi geografııalyq qoǵamdastyqtardy tartýy arqyly júzege asyrylýda», - dedi ol.
Onyń atap ótýinshe, qoǵam qazaqstandyq geografııalyq qoǵamdastyqtyń úzdik oıshyldaryn biriktirýge baǵyttalǵan. «Aýqymdy tájirıbe men bilim sınergııasy qoǵam múshelerine eldiń ulttyq qaýipsizdigi men onyń turaqty damýy táýeldi ekologııa, geoekonomıka, geosaıasat salalaryndaǵy jahandyq problemalar boıynsha ýaqytyly sheshim qabyldaýyna múmkindik beredi», - dedi Úkimet basshysynyń orynbasary.
E.Orynbaevtyń atap ótýinshe, búgingi tańda, jahandaný jaǵdaıynda Qazaqstan aldynda geografııalyq saladaǵy sý qaýipsizdigi, shóleıttený problemasy, transshekaralyq sý problemasy, ekologııalyq orta, bıoáralýandylyq problemalary sııaqty ótkir syn-qaterler tur.
