Qazaqstanda ulttyq fılmderdiń úlesi 13%-ǵa artty
ALMATY. QazAqparat - Almatyda QR Parlamenti Məjilisi depýtattarynyń jumys toby T.Júrgenov atyndaǵy óner Akademııasynda "Kınematografııa týraly", "QR keıbir zańnamalyq aktilerine kınematografııa məseleleri boıynsha ózgerister men tolyqtyrýlar engizý týraly" zań jobasyna baılanysty kezdesý ótkizdi, dep habarlaıdy QazAqparat tilshisi.
Jıyn barysynda Qazaqstan kıno naryǵynyń naryǵynyń kólemi týraly statıstıka aıtyldy.
"Qazaqstanda ótken jyly 355 kınozalda 200 sheteldik, 26 ulttyq fılm kórsetilgen. Sonyń ishinde kassa jınaǵy boıynsha túsimniń 80%-yn gollıvýd kınolary alsa, 13%-yn ulttyq fılmder alǵan. 7%-y reseılik fılmderdiń úlesinde. Jalpy Qazaqstandaǵy kıno naryǵynyń kólemi 44,5 mln dollar",- dedi reseılik sarapshy Oleg Golovashkın.
Onyń aıtýynsha, byltyr ulttyq kınonyń alatyn úlesi nebári 6% bolǵan.
Qazaq kınolarynyń ishinde Nurlan Qoıanbaev túsirgen «Bıznes po-kazahskı v Amerıke» kınosy Qazaqstanda kassa jınaǵy boıynsha 1 mln 750 myń AQSh dollarymen 3-orynǵa turaqtady.
Jıyn barysynda kıno salasynyń mamandary, belgili rejısserler, akterler, prodıýserler óz pikirlerin jetkizdi.
"Zań jobasy joq kezde de jaqsy kıno túsirgenbiz. Biraq endi fılmderimiz odan da jaqsy bolady dep senemin",- dedi Asanəli Əshimov.
Óz kezeginde dramatýrg Dýlat Isabekov ulttyq qordy sheteldik kınolarǵa bıletke qosymsha qun qosý arqyly kóterýge qarsylyǵyn bildirdi.
"Túngi saǵat 22.00-06.00 aralyǵynda qazaq kınolary baratyn túri bar. Sosyn ulttyq kıno degen anyqtamany kim beredi? Shetelden kelgen kınolarǵa qosymsha salyq taǵy meniń qaltama túseıin dep tur. Kórermen aqsha tóleıdi. Qordy saqtap qalý úshin", - dedi Dýlat Isabekov.
Belgili jazýshy, dramatýrg Smaǵul Elýbaı qazirgi tańda qazaq kınosynyń dýblıajy túsip ketkenin aıtty.
"Buryn qazaq tili eshkimge kerek emes keńes odaǵy kezinde jylyna 60 kıno dýblıajdalatyn. Qazir kerisinshe təýelsizdik alǵan kezde qazaq tilindegi kınolar kóp túsirilýi tıis, kóp dýblıajdalýy tıis emes pe? Al kınoteatrlar qazir tıyn sanap otyr. Olarǵa tıyn túsetin gollıvýd kınolary kerek. Sondyqtan bul jerde osy məseleni de retteıtin tetik kerek",- dedi Smaǵul Elýbaı.
Al rejısser Satybaldy Narymbetov búgingi qazaq kınosynyń aýdıtorııasyn úsh sanatqa bóldi.
"Qazir birinshi kezekte túsirilgen kıno qarjysyn qaıtarý kerek degen qaǵıda turady. Bul jerde ıdeologııa men kommertsııany shatastyrmaý kerek. Ideologııa ult retindegi biregeıligimizdi saqtap qalatyn mańyzdy baǵyt. Ideologııanyń barlyǵy kommertsııalyq bolmaýy kerek. Qazirgi aýdıtorııa úsh túrli kıno kóredi. Jumystan sharshap kelgender Kelinka Sabınany kórip, stressin alady. Al jastar artqy oryndyqqa otyryp alyp boevık kórgendi unatady. Qalǵandary ǵana ulttyq kınony kóredi"-, dedi Satybaldy Narymbetov.
"Elbasy tapsyrmasy boıynsha qazaq kınematografııasy týraly zań jobasy ótken jyly qarashada Məjiliske berilgen bolatyn. 26 jeltoqsanda ózgerister men tolyqtyrýlar engizý týraly za jobasynyń tusaýy kesildi. Zaman talabyna saı ulttyq fılmderdiń sapasyn arttyrý máselesi kún tártibine qoıyldy. Bizdiń kınematografııa salasyn álem moıyndaýy úshin derbes zań qabyldaý qajet. Qoldanystaǵy «Mədenıet týraly zańda kıno salasyna tek 6 bap qana kózdelgen. Jańa zań jobasy boıynsha Ulttyq kınony qoldaý memlekettik qoryn qurý, qazaq kınosyn túsiretinderge salyqtyq jeńildikter qarastyrý, prokatta aınalatyn fılmderdiń sany men esebin júrgizetin biryńǵaı júıe qurý usynylady",- dedi Məjilis depýtaty Beıbit Mamyraev.
Aıta ketý kerek, sarapshylardyń talqylaýy erteń de jalǵasyn tabady.
