Qazaqstanda Ulttyq donorlar kúnin atap ótý usynyldy
ASTANA. QazAqparat - Qazaqstanda áleýmettik mereke - Ulttyq donorlar kúnin taǵaıyndaýdy usynýda. Bul bastamany "Alqaly keńes" korporatıvtik qorynyń prezıdenti Ermek ıAsylov kóterip otyr.
"Biz qazir Reseıdegideı Donor kúnin atap ótýdi josparlaýdamyz. Biz de óz elimizde osyndaı merekeniń bolǵanyn qalaımyz. Onyń Halyqaralyq qan donorlary kúnine esh qatysy joq. Bizge ulttyq donorlar kúni ne úshin qajet?! Bul mereke osy máseleni adamdarǵa taǵy da bir tereńnen túsindirýge baǵyttalǵan bolar edi. Mundaı ataýly kúnder tek toılaý úshin ǵana emes, adamdarǵa qan tapsyrýdyń qanshalyqty mańyzdy ekenin túsindirý úshin qajet. Ol úlken áleýmettik mańyzǵa ıe. Árbir azamattyń áleýmettik boryshy", - dedi ol búgin Ortalyq kommýnıkatsııalar qyzmetinde ótken baspasóz máslıhatynda.
Aıta keteıik, Halyqaralyq qan donorlary kúni 14 maýsymda toılanady. Al Reseıde Ulttyq donorlar kúni 20 sáýirde atap ótiledi.
