Qazaqstanda Ulttyq dárilik formýlıar ázirlendi
Bul týraly búgin OKQ baspasóz máslıhatynda QR densaýlyq saqtaý jáne áleýmettik damý mınıstrligi Medıtsınalyq jáne farmatsevtıkalyq qyzmetti baqylaý komıteti tóraǵasynyń orynbasary Larısa Pak málim etti.
Ulttyq formýlıarda memlekettik reestrde tirkelgen dárilerdiń shekteýli baǵasy belgilenip otyr. Bul óz kezeginde, áleýmettik jaǵdaıy men tabysynyń mólsheri tómen árbir azamatqa dárilik kómekti qoljetimdi etýdi qamtamasyz etpek.
«Ulttyq formýlıardy qurý barysynda Ulybrıtanııanyń tájirıbesi alyndy. Oǵan halyqaralyq sarapshylar tartyldy. Sonyń ishinde Brıtanııanyń ulttyq formýlıaryn jasap shyqqan Dýnkan Enraıt bar. Sonymen qatar Jańa Zelandııa men Aýstralııa mamandary qol ushyn berdi. Ulttyq formýlıardy qurýda qazaqstandyq farmakologtar, sarapshylar, professorlar da shet qalǵan joq», - dep atap ótti komıtet basshysynyń orynbasary.
Onyń sózine qaraǵanda, atalmysh tizimge ǵylymı turǵyda ǵana emes, tájirıbede dáleldengen sapaly dárilik zattar enip otyr.
«Dári-dármek zaýyttary bizdiń elde óz ónimderiniń baǵasy qaıdan alynǵanyn dáleldeýleri tıis boldy. Sebebi biz dárilerdiń eń shekti deńgeıin kórsetýimiz kerek. Sondyqtan ónim baǵasynyń qalaı qurylǵanyn naqty zerdeledik. Biz osy maqsatta barlyq óndirýshilermen úsh aı boıy qyzý jumys júrgizdik. Onyń qorytyndysy formýlıarlyq komıssııanyń qaraýyna jiberildi. Oǵan Parlament Májilisiniń depýtattary, farmatsevtıkalyq salanyń barlyq qaýymdastyqtary, sondaı-aq ulttyq kásipkerler palatasynyń ókilderi kirdi. ıAǵnı formýlıardy jasaqtaý protsesi ashyq túrde ótkizilýine jaǵdaı jasaldy», - deıdi L.Pak.
Onyń sózine qaraǵanda, baǵany anyqtaý úshin árbir saýda ataýy boıynsha jiti saraptaý júrgizilgen.
«Bizdiń ulttyq formýlıarda 616 halyqaralyq patenttelmegen saýda ataýy bar jáne memlekettik reestrde tirkelgen 2842 dárilik ataýlar men medıtsınalyq maqsattaǵy 256 buıymnyń baǵasy kórsetildi», - dedi ol.
Ulttyq dárilik formýlıar Qazaqstanda birinshi ret ázirlenip jatqanyn atap ótý kerek. Odan basqa, tegin medıtsınalyq kómektiń kepildik berilgen kólemi sheńberinde dárilik zattarǵa shekteýli baǵa qalyptastyrý jóninde halyqaralyq tájirıbe negizinde jańa erejeler ázirlengen bolatyn.
Ony ázirleý kezinde klınıkalyq jáne ekonomıkalyq tıimdi, qaýipsiz dárilik preparattardy tutyný deńgeıin, ár aýrýdy emdeý kýrsynyń baǵasyn zertteý boıynsha málimetter qoldanyldy.