Qazaqstanda Ulttyq biryńǵaı testileýge túlekterden ótinimder qabyldaý naýqany júrip jatyr
ASTANA. 29 naýryz. QazAqparat - Respýblıkada bıylǵy Ulttyq biryńǵaı testileýge qatysýshylardan ótinimder qabyldaý naýqany bastaldy.
Bilim jáne ǵylym mınıstrligi baspasóz qyzmetiniń málimetinshe, mektep túlekterinen ótinimderdi qabyldaý 10 naýryzdan bastap 25 sáýirge deıin jalǵasatyn bolady.
Jyl saıyn bul aýqymdy sharany Ulttyq testileý ortalyǵy ótkizedi.
Qazirgi kezde atalǵan ortalyqtyń barlyq fılıaldarynda UBT-ǵa ótinim qabyldaý men ony ótkizý boıynsha tıisti jumystar atqarylyp jatyr.
Búginde testileý qarsańynda respýblıka boıynsha jáne testileýdi ótkizý oryndarynda statıstıkalyq málimetterdi qalyptastyrý jumystary jasalýda. Osy oraıda sáýirdiń aıaǵyna qaraı qabyldanǵan ótinimderdiń nátıjesi aıasynda «Túlek» atty derekter bazasy jasaqtalady.
