Qazaqstanda Ulttyq biryńǵaı testileý bastaldy
ASTANA. QazAqparat - Qazaqstanda mektep túlekterin Ulttyq biryńǵaı testileý bastaldy. Búgin Astanadaǵy L.Gýmılev atyndaǵy Eýrazııa ulttyq ýnıversıtetinde ornalasqan synaq pýnktteriniń birine QR Bilim jáne ǵylym vıtse-mınıstri Tahır Balyqbaev kelip, ulttyq synaq tapsyrmalaryn resmı túrde ashty jáne túlekterge sáttilik tiledi.
«Aldaǵy jeti kúnniń barysynda 92077 túlek ulttyq biryńǵaı testi tapsyratyn bolady. Olar elimizdiń arnaıy daıyndalǵan 155 testileý pýnktterinen ótetin bolady. Bul jerde balalarda tolqý joǵary bolǵanymen, elde arnaıy daıyndaý júıesi óte jaqsy jolǵa qoıylǵan. Túlekter birneshe ret arnaıy synaqtardan ótip, testke tolyq daıyndyqpen kelip jatyr», - dedi vıtse-mınıstr tilshilerge bergen suhbatynda.
Onyń aıtýynsha, synaq suraqtarynyń 30 paıyzy jańartylǵan jáne formaty ózgergen joq.
«Testileýdi óz deńgeıinde ótkizý - bizge mindet. Mınıstrlik jáne onyń qurylymdary, barlyq oqý oryndary bul naýqanǵa birge atsalysa otyryp, joǵary sapamen ótkizemiz dep oılaımyn», - dep túıdi sózin T. Balyqbaev.
Aıta keteıik, UBT bıyl elimizde 2-8 maýsym aralyǵynda ótedi.
